उपत्यकामा दसैंको समयमा १० को मृत्यु

रासस

काठमाडौँ — काठमाडौँ उपत्यकाभित्र यस वर्षको दसैंमा सवारी दुर्घटनामा परी १० जनाको मृत्यु भएको छ । महानगरीय ट्राफिक प्रहरीले दिएको जानकारीअनुसार घटस्थापनादेखि पूर्णिमासम्म ३५० सवारी दुर्घटनामा १० ले ज्यान गुमाएका हुन् । यस्तै १४ गम्भीर घाइते र ३०४ सामान्य घाइते भएका छन् ।

महाशाखाका प्रमुख, प्रहरी वरिष्ठ उपरीक्षक भीमप्रसाद ढकालले तीव्रगति र चालकको लापरवाहीका कारण धेरै दुर्घटना भएको बताउनुभयो । गत वर्षको दसैंको समयमा २८५ सवारी दुर्घटनामा १३ ले ज्यान गुमाएका थिए भने आठ गम्भीर घाइते तथा २०२ सामान्य घाइते भएका थिए । महाशाखाले यस वर्षको दसैंको समयमा ट्राफिक नियम उलङ्घन गर्ने १४ हजार ९११ सवारी साधनलाई कारवाही गरेको छ । गत वर्षको दसैंमा पाँच हजार सवारी साधनलाई नियम उल्लङ्घन गरिएको भन्दै कारवाही गरिएको थियो ।

प्रकाशित : कार्तिक २, २०७६ १३:३१
प्रतिक्रिया
पठाउनुहोस्
ADVERTISEMENT
ADVERTISEMENT

जुवा खेलेको अभियोगमा ७ पक्राउ

दुर्गालाल केसी

दाङ — जुवा खेलेको अभियोगमा प्रहरीले शुक्रबार राति घोराहीबाट ७ जनालाई पक्राउ गरेको छ ।

घोराही उपमहानगरपालिका १७ गुलरिया पार्कस्थित भक्त भण्डारीको घरमा तास खेलिरहेको अवस्थामा १ लाख १३ हजार ५ सय रुपयाँ नगद र ७ गड्डी ताससहित पक्राउ गरेको जिल्ला प्रहरी प्रवक्ता डिएसपी विनोदविक्रम शाहले बताए । पक्राउ पर्नेमा घोराही १५ का ३२ वर्षीय पूर्ण वली, ४४ वर्षीय मेघराज पौडेल, घोराही १६ का ३० वर्षीय शिव केसी, घोराही १२ का २० वर्षीय रविन थापा, ३१ वर्षीय अनिल गिरी, घोराही १५ का २७ वर्षीय सञ्जय परियार र घोराही १७ का ४३ बर्षीय भक्त केसी छन् ।

पक्राउ परेकाहरु विरुद्ध मुलुकी अपराध संहिता ऐन २०७४ को दफा १२५ को जुवा सम्बन्धी कसुरमा मुद्दा दर्ता गरी कारबाही थालिएको डिएसपी शाहले जानकारी दिए ।

प्रकाशित : कार्तिक २, २०७६ १२:५८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT