काठमाडौँ — प्रमुख प्रतिपक्षी कांग्रेसले कोजाग्रत पूर्णिमाका अवसर पारेर आइतबार चियापान तथा शुभकामना आदानप्रदान कार्यक्रम राखेको छ । पार्टीको केन्द्रीय कार्यालय सानेपामा अपराह्न १ बजे सुरु भई ५ बजेसम्म चियापान जारी रहने पार्टीद्वारा जारी विज्ञप्तिमा उल्लेख छ ।
कांग्रेसले विभिन्न राजनीतिक दलका नेता, मन्त्री, संवैधानिक निकायका प्रमुख, सांसद, कर्मचारी, सुरक्षा निकायका प्रमुख, कूटनीतिक नियोगका प्रमुख, लेखक, साहित्यकार लगायतलाई आमन्त्रण गरेको छ ।