बसको ठक्करबाट मोटरसाइकल चालकको मृत्यु

रासस

काठमाडौँ — काठमाडौँ महानगरपालिका–१५ मा यात्रुवाहक बसले ठक्कर दिँदा मोटरसाइकल चालकको मृत्यु भएको छ । 

स्वयम्भूको अन्नपूर्ण चोकमा बा३ख १८३३ नंको यात्रुवाहक बसले ठक्कर दिँदा बा९८प २७१५ नंका चालक सानोभर्‌याङ निवासी २० वर्षीय सम्मान भट्टको मंगलबार राति मृत्यु भएको हो ।

महानगरीय प्रहरी वृत्त स्वयम्भूका प्रमुख, प्रहरी नायब उपरीक्षक लालध्वज सुवेदीले दुर्घटनामा गम्भीर घाइते भट्टको वनस्थली ढुङ्गेधारामा रहेको साइबाबा अस्पतालमा उपचारका क्रममा निधन भएको जानकारी दिए ।

दुर्घटनामा संलग्न बसका चालक नुवाकोट तारकेश्वरका खडानन्द अधिकारीलाई प्रहरीले नियन्त्रणमा लिएर आवश्यक अनुसन्धान गरिरहेको सुवेदीले बताए।

मृतकको शवपरीक्षणका लागि त्रिभुवन शिक्षण अस्पताल महाराजगन्ज पठाइएको वृत्तले जनाएको छ ।

प्रकाशित : आश्विन १, २०७६ १९:२१
प्रतिक्रिया
पठाउनुहोस्

कैलालीमा २९ जनामा स्क्रब टाइफस

निर्मला खडायत

धनगढी — कैलालीमा स्क्रब टाइफसको प्रकोप बढ्दै गएको छ । बुधबारसम्म २९ जना बिरामी फेला परेका स्वास्थ्य कार्यालयले जनाएको छ । सेती प्रादेशिक अस्पतालमा हालसम्म १० जना बिरामी उपचारपछि सन्चो भएर घर फर्किएका छन् ।

एक जनाको अझै आईसीयुमा उपचार भइरहेको छ । धनगढी उपमहानगरपालिका १७ का ५० वर्षीया भोजन चौधरी गम्भीर अवस्थामा उपचारका लागि बुधबार सेती अञ्चल अस्पतालमा भर्ना भएकी हुन् । अस्पतालका सूचना अधिकारी दिलिपसिंह श्रेष्ठले पछिल्लो केहि दिन यता अस्पतालमा स्क्रब टाइफसका बिरामी आउने क्रम बढेको बताए ।

स्थानीय र प्रदेश सरकारले डेंगुको प्रकोप न्यूनिकरणका लागि अभियान नै सञ्चालन गरिरहेका बेला स्क्रब टाइफसका बिरामीको संख्या बढि देखिएको हो ।

मुसामा लाग्ने किर्नाजस्तो देखिने ‘माइट’ को टोकाइबाट मानिसमा यो रोगको संक्रमण हुने गर्दछ । प्रादेशिक स्वास्थ्य निर्देशनालय दिपायलका अनुसार सुदूरपश्चिममा हालसम्म १ सय ५ जनामा स्क्रब टाइफसको संक्रमण देखिएको छ । अछाम र बाजुराबाहेक सुदूरका ७ जिल्लामा यो रोगका बिरामी फेला पर्ने क्रम बढिरहेको हो ।

यो पनि पढ्नुहोस्:

प्रकाशित : आश्विन १, २०७६ १९:०९
पूरा पढ्नुहोस्
प्रतिक्रिया
पठाउनुहोस्