अनाधिकृत पार्किङ गर्ने ३९ हजार सवारीसाधन कारवाहीमा

रासस

काठमाडौँ — ट्राफिक प्रहरीले अनाधिकृत रुपमा फुटपाथ तथा सडकमा पार्किङ गर्ने ३८ हजार ८८६ सवारीसाधनलाई कारवाही गरेको छ ।

ZenTravel

महानगरीय ट्राफिक प्रहरी महाशाखाले आर्थिक वर्ष २०७५/०७६ मा जथाभावी रुपमा फुटपाथमा पार्किङ गर्ने उक्त सवारीसाधनलाई कारवाही गरेको हो । महाशाखाले आव २०७४/०७५ मा ३३ हजार ७०३ सवारीसाधनलाई कारवाही गरेको थियो ।

Meroghar

महाशाखाले उपत्यकाको पुतलीसडक, दरबारमार्ग, लाजिम्पाट, न्यूरोड, बानेश्वर, कोटेश्वर, सातदोवाटो, कलङ्कीलगायतका फुटपाथ क्षेत्रमा अवैधरुपमा पार्किङ गर्ने सवारीसाधनलाई कारवाही गरेको हो ।

महाशाखाका प्रमुख, प्रहरी वरिष्ठ उपरीक्षक वसन्तकुमार पन्तले ‘नो पार्किङ’ र फुटपाथमा पार्किङ गरेको सवारीसाधनलाई कारवाही गरिएको जानकारी दिए।

महाशाखाले नो पार्किङ क्षेत्रमा पार्किङ गर्ने मोटरसाइकल तथा स्कुटरलाई नगर प्रहरीको सहायतामा बग्गीखानामा ल्याएर कारवाही गर्ने तथा ठूला सवारीसाधनलाई ‘ह्वील लक’ लगाउने गरेको छ ।

यातायात व्यवस्था विभागका अनुसार हाल देशभर झण्डै ३५ लाख तथा काठमाडौँ उपत्यकामा मात्र १० लाख हाराहारीमा सवारीसाधन सञ्चालनमा रहेका छन् ।

प्रकाशित : श्रावण २७, २०७६ १०:४३
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

भारतमा चरेस सहित दुई नेपाली पक्राउ 

कमल पन्थी

बर्दिया — भारतीय सीमा सुरक्षा बल (एसएसबी)ले दुई नेपाली नागरिकलाई आइतबार बेलुकी पक्राउ गरेको छ । आठ किलो चरेस सहित उनीहरुलाई भारत प्रवेश गर्ने क्रममा खानतलाशी गर्दा पक्राउ गरिएको हो ।

पक्राउ पर्नेमा रुकुम मैकोट-९ का ४५ वर्षीय बलबहादुर पुन र ३५ वर्षीया कमला मगर रहेको एसएसबीलाई उद्धृत गर्दे बर्दिया प्रहरीले जनाएको छ । मधुवन नगरपालिकासँग जोडिएको नेपाल भारत सीमा बहराईच जिल्लाको रामपुरस्थित पिलर नम्बर ७६ नजिक उनीहरु पक्राउ परेका हुन् । भारतको निशानगाढा हुँदै नयाँ दिल्ली जान लागेका पुन र मगर भने भरिया भएको अनुमान प्रहरीको छ ।

प्रकाशित : श्रावण २७, २०७६ १०:३१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×