मूलपानीमा पर्खाल भत्किँदा तीनको मृत्यु

असार २७, २०७६कान्तिपुर संवाददाता

काठमाडौँ — कागेश्वरी मनोहरा नगरपालिका-६, मूलपानीको बाबोचोकस्थित एक घरको पर्खाल लडेर घर छेवैको अस्थायी टहरामा बसेका तीनको मृत्यु भएको छ । मृत्यु हुनेमा दुई महिला र एक बालक रहेका छन् ।

महानगरीय प्रहरी वृत्त बौद्धका डिएसपी नरेन्द्र चन्दका अनुसार मृत्यु हुनेमा स्थानीय क्षेत्रमा सिरकडसना बनाउने काममा संग्लन ३५ वर्षीया शर्मिला यादव, ३० वर्षीया नितु यादव र १० वर्षीय कुन्दन यादव रहेका छन् ।