समतामा युवतीकाे शव : सुसाइड नोट विमलाकै

नोटमा अस्पतालकी व्यवस्थापक उत्तम सञ्जेलकी पत्नी कला अधिकारी (सञ्जेल), प्रिथकुमारी श्रेष्ठ र संगीता केसीको नाम उल्लेख छ । प्रहरीले उनीहरू तीनै जनालाई कर्तव्य ज्यान मुद्दामा अदालतबाट म्याद लिएर थुनामा राखी अनुसन्धान गरिरहेको छ ।

सुसाइड नोटमा उल्लिखित विषयले घटनाको छानबिनमा सहयोग पुग्ने प्रहरीको दाबी छ । प्रहरी वृत्त गौशालामा विमलाका आफन्तले आइतबार सञ्जेललाई समेत पक्रिन माग गर्दै दिनभर प्रदर्शन गरे ।

विमलाको हत्या भएको र त्यसमा उत्तमसमेत जिम्मेवार रहेको उनीहरूको दाबी छ । विमलाको पोस्टमार्टम रिपोर्ट आएको र घटनाबारे थप अनुसन्धान भइरहेको प्रहरी वृत्त गौशालाले जनाएको छ । विमलाले झुन्डिएर आत्महत्या गरेको र त्यसको कारण पत्ता लगाउने कोसिस गरिएको प्रहरी स्रोतको भनाइ छ ।