१६.१२°C काठमाडौं
काठमाडौंमा वायुको गुणस्तर: १५८

समता अस्पतालभित्रै कर्मचारीद्वारा आत्महत्या

काठमाडौँ — शिक्षासेवीका रूपमा ख्याति कमाएका उत्तम सञ्जेलले बौद्धमा सञ्चालन गरेको समता अस्पतालमा कार्यरत कर्मचारीले आत्महत्या गरेको घटनामा सञ्जेल तानिएका छन् । मंगलबार राति रामेछाप, दोरम्बा घर भएकी २७ वर्षीया विमला तामाङले अस्पताल हाताभित्रै झुन्डिएर आत्महत्या गरेकी थिइन् ।

मृतकका आफन्तले घटनामा सञ्जेललाई दोषी देखाउँदै नाराबाजी गरेपछि प्रहरीले सञ्जेलकी पत्नी र एक कर्मचारीलाई नियन्त्रणमा लिएको छ ।


प्रहरीले अस्पतालभित्र तोडफोड हुन थालेपछि सञ्जेललाई सुरक्षा दिंदै बाहिर निकालेको र अन्य दुईलाई अनुसन्धानका लागि नियन्त्रणमा लिइएको जनाएको छ । प्रहरी स्रोतका अनुसार मृतकका साथबाट सुसाइड नोट फेला परेको छ जसमा आत्महत्याको कारणबारे केही संकेत गरिएको छ । प्रहरी परिसर काठमाडौंका प्रवक्ता डीएसपी होबिन्द्र बोगटीले सञ्जेल पक्राउ नपरेको प्रस्ट पार्दै सुरक्षा दिन प्रहरीको गाडीमा राखेर अस्पतालबाट बाहिर ल्याइएको दाबी गरे ।

प्रकाशित : असार ३, २०७६ २०:१०
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?