चक्रपथ सफाई १११ औं हप्तामा
काठमाडौँ — काठमाडौंको चक्रपथ सरसफाई अभियानले एक सय ११ औं हप्ता पार गरेको छ । स्थानीयले सुरु गरेको अभियानअन्तर्गत शनिबार माछापोखरी चोकदेखि गंगाहलसम्म भएको थियो । कार्यक्रममा ३ सय ५० जना भन्दा बढी स्थानीय सहभागी थिए ।
सफाई अभियानलाई सुरक्षाकर्मीले समेत साथ दिएका थिए । 'आफ्नो गल्ली, टोल, सडक सफा गरौं । स्वस्थ होऔं । र, भरसक अस्पताल नै कोही जान नपरोस् भन्ने अभिप्रायले यो अभियान सुरु गरिएको हो', अभियानलाई निरन्तरता दिइरहेकी रेनुका गुरुङले बताइन् ।