दुर्घटनामा एकको मृत्यु, दुई घाइते

रासस

भक्तपुुर — सूर्यविनायक नगरपालिका-१० भातेढिकुरमा बुधबार राति १२ः४५ बजे बस र टिपर एकआपसमा ठक्कर खाएर भएको दुर्घटनाका घाइते एकको मृत्यु भएको छ भने दुईकाे उपचार भइरहेकाे छ।

भक्तपुरबाट बनेपातर्फ जाँदै गरेको बा३ख १७८४ नंको बस र बनेपाबाट भक्तपुरतर्फ आउँदै गरको बा४ख ४८१५ नंको टिपर एकापसमा ठक्कर खाएर भएको दुर्घटनामा सिन्धुपाल्चोक चौतारा साँगाचोक नपा-३ बतासे बस्ने ३४ वर्षीय बस मालिक रमेश भण्डारीको मध्यपुर अस्पतालमा उपचारको क्रममा आज बिहान मृत्यु भएको महानगरीय प्रहरी परिसर भक्तपुरले जानकारी दिएको छ ।


दुर्घटनामा घाइते बसका मालिक भण्डारीको मध्यपुर अस्पतालमा उपचारको क्रममा बिहीबार बिहान सवा ६ बजे मृत्यु भएको प्रहरीले जानकारी दिएको छ । दुर्घटनामा बसचालक सिन्धुपाल्चोक चौतारा साँगाचोक-३ बतासेका २४ वर्षीय सन्तोष थापा र टिपर चालक सिन्धुपाल्चोक चौताराका २८ वर्षीय देवकुमार श्रेष्ठ घाइत भई मध्यपुर अस्पतालमा उपचार भइरहेको प्रहरीले जानकारी दिएको छ ।

प्रकाशित : वैशाख ५, २०७६ ०९:४३
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

किर्ते उपभोक्ता समिति प्रकरण : पूर्वसांसद यादव पक्राउ 

अवधेशकुमार झा

राजविराज — प्रदेश २ सरकारद्वारा सञ्चालित योजनाको रकम फुत्काउन किर्ते उपभोक्ता समिति गठन गरिएकाे प्रकरणमा संलग्न रहेको आरोपमा पूर्वसांसद एव‌म् राजपा नेपालका केन्द्रिय सदस्य वीपी यादव र राजपा नेपालका केन्द्रिय सदस्य हरीनारायण मण्डललाई पनि पक्राउ गरेको छ ।

सप्तरीका एसपी राजेन्द्र बिष्टका अनुसार किर्ते प्रकरणमा यादवको संलग्नता देखिएपछि थप अनुसन्धानका लागि बिहीबार उनलाई नियन्त्रणमा लिएको हो ।

यादव पहिलो संविधानसभाको निर्वाचनमा तत्कालीन मधेशी जनअधिकार फोरम नेपालाबाट समानुपातिक सभासद् थिए ।

रातो पासपोर्ट काण्डमा मुछिएका उनी अहिले राजपा नेपकाका केन्द्रिय सदस्य छन् । किर्ते काण्डमा संलग्न अन्यको खोजी भइरहेको बिष्टले बताए ।

भौतिक पूर्वाधार विकास मन्त्रालयबाट सप्तरीको अग्निसाइर कृष्णासवरण गाउँपालिका-२ र ३ मा पर्ने सडकमा माटो तथा ग्राभेल गर्न स्वीकृत २५ लाख रुपैयाँको योजनामा किर्ते समितिमार्फत बैंक खातासमेत खोलिएको पाइएको थियो ।

केही दिनअघि काम सुरु हुन थालेपछि स्थानीय बासिन्दा कुन निकायबाट भइरहेको हो भन्ने बुझ्न गाउँपालिका कार्यालय पुगेका थिए । गाउँपालिकाले पनि जानकारी नरहेको बताएपछि खोजी सुरु भएको थियो । त्यस क्रममा गाउँपालिकाको नक्कली लेटर प्याडमा समिति बनाइएको र त्यसैका आधारमा राजविराजस्थित पूर्वाधार विकास कार्यालयमा सम्झौता भएको खुलेको हो ।

प्रकाशित : वैशाख ५, २०७६ ०९:३८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×