१६.१२°C काठमाडौं
काठमाडौंमा वायुको गुणस्तर: १५८

तीन सातादेखि फोहोर उठेन

ललितपुर — तीन सातादेखि फोहोर उठाउने काम बन्द हुँदा ललितपुर महानगरपालिकाका विभिन्न बस्तीहरू दुर्गन्धित भएका छन् । फोहोरको थुप्रो लाग्दा टोल नै दुर्गन्धित बनेको शंखमूलका स्थानीयले गुनासो गरेका छन् । 

ललितपुर महानगरपालिका वडा न: ८ का वडा सदस्य प्रकाश महर्जनका अनुसार यसरी फोहोरका थुप्रा देखिनुमा ललितपुर महानगरपालिकाले समयमै उठाएर व्यवस्थापन गर्न नसक्नु हो । ‘हामी यसको व्यवस्थापन कसरी गर्ने भन्ने छलफलमा छौं,’ उनी भन्छन्, ‘छिट्टै नै यसको टुंगो लाग्नेछ ।’ ‘घरमा तीन हप्तादेखिको फोहोर थुपारेर राख्दा घर नै गन्हाउने भएको छ,’ शंखमूलका रविन बलामीले बताए ।


समयमै नउठेपछि यतिखेर ललितपुरका चोक गल्लीहरूमा प्रशस्त फोहोर जम्मा भएका छन् । यसबाट दुर्गन्ध फैलिएर वरपरको वातावरण निकै प्रदूषण बनेको छ भने बाटोमा आवतजावत गर्नसमेत समस्या भएको सर्वसाधारणको अनुभव छ ।


‘आजभोलि बाटोमा हिँड्दा आनिवार्य मास्क बोक्ने गरेको छु । यदि मास्क लगाएन भने हिँड्डुल गर्नै गाह्रो हुन्छ,’ बाटोमा हिँड्दै गरेका हीरा शाहीले बताए । स्थानीयहरू फोहोरले आजित भएको गुनासो गर्छन् । ‘टोलका गल्लीगल्लीमा हिँडिसक्नु छैन, जताततै फोहोरको गन्धले त्रसित बनाएको छ,’ च्यासलकी लक्ष्मी शोभा शाक्यले भनिन् । घरमा धेरै दिनको फोहोर थुपार्दा कीरा परिसकेको शाक्यले बताइन् ।

प्रकाशित : वैशाख ४, २०७६ ०९:१४
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?