गिरिजाप्रसाद कोइराला स्मृति पुरस्कार श्रेष्ठलाई

कान्तिपुरकर्मी मिश्र पुरस्कृत
कान्तिपुर संवाददाता

काठमाडौँ — रिपोर्टर्स क्लब नेपालले यस वर्षको गिरिजाप्रसाद कोइराला स्मृति पत्रकारिता पुरस्कार नेपाल समाचारपत्र दैनिकका प्रधानसम्पादक एवं प्रकाशक पुष्करलाल श्रेष्ठलाई प्रदान गरेको छ । क्लबद्वारा आइतबार राजधानीमा आयोजित कार्यक्रममा प्रधानमन्त्री केपी ओलीले १ लाख रुपैयाँ राशिको उक्त पुरस्कार प्रदान गरे ।

प्रधानसम्पादक श्रेष्ठ अस्पतालमा उपचाररत रहेकाले पुरस्कार समाचारपत्र दैनिकका कार्यकारी सम्पादक दीपक रिजालले लिएका थिए । क्लबले मदन भण्डारी स्मृति पत्रकारिता पुरस्कार रिपब्लिका दैनिकका प्रधानसम्पादक सुवास घिमिरे र वरिष्ठ पत्रकार हरिप्रसाद जोशीलाई संयुक्त रूपमा प्रदान गरेको छ । उक्त पुरस्कारको राशि जनही ५०/५० हजार रुपैयाँ छ ।


क्लबले २५ हजार रुपैयाँ राशिको वीरेन्द्र साह स्मृति पत्रकारिता पुरस्कार कान्तिपुर दैनिकका राजेश मिश्रलाई प्रदान गरेको छ । २५ हजार रुपैयाँ राशिको कृष्णसेन इच्छुक स्मृति पत्रकारिता पुरस्कार प्रेस सेन्टरका अध्यक्ष महेश्वर दाहाललाई प्रदान गरिएको छ । सहिद जगतजंग शाह स्मृति पत्रकारिता पुरस्कार डिल्ली बसेल, रिपोर्टर्स क्लब नेपाल उत्कृष्ट युवा पत्रकारिता पुरस्कार सन्तोष न्यौपाने, क्रियाशील युवा पत्रकारिता पुरस्कार राजधानी दैनिकका समाचार सम्पादक "ुव लम्साल र क्रियाशील महिला पत्रकारिता पुरस्कार उषाकिरण कँडेललाई प्रदान गरिएको छ ।


प्रकाशित : चैत्र १७, २०७५ १७:५७
प्रतिक्रिया
पठाउनुहोस्

मुलुकमा निरंकुशतन्त्र फर्कने सम्भव छैन : दाहाल

कान्तिपुर संवाददाता

काठमाडौँ — नेकपा अध्यक्ष एवं पूर्वप्रधानमन्त्री पुष्पकमल दाहालले संघीय गणतन्त्र उल्ट्याएर मुलुकमा निरंकुशतन्त्र फर्कने सम्भव नरहेको दाबी गरेका छन् । काठमाडौंमा आइतबार भएको एक कार्यक्रममा दाहालले इतिहासको मञ्चबाट फ्याँकिएका शासकहरुले बेला-बेला प्रहार गरिरहे पनि संघीयता, धर्मनिरपेक्षता, गणतन्त्र, समावेशी समानुपातिक, संविधान र देशको समृद्धितर्फको यात्रा नरोकिने बताए ।

आफूलाई युद्ध अपराधी भन्दै अमेरिकामा पक्राउ गराउने कोसिस गरिएको प्रसंग उल्लेख गर्दै उनले त्यस्तो गलत विचार र प्रवृत्तिलाई जनमतद्वारा परास्त गर्नु पर्ने बताए । 'झारपात एकचोटी उखेलियो केही पनि होइन भनियो भने झारपात फरि आउँछ । बाली नस्ट गर्न पनि बेर लाउँदैन' उनले अमेरिकामा आफूलाई उजुरी हाल्नेप्रति सांकेतिक रुपमा भने, 'त्यसैले बालीमा उम्रिने झारपात बेला बेलामा फाल्दै गर्नुपर्छ ।'

पत्नी सीता दाहालको उपचारका लागि अमेरिका गएको बेला केन्टुकी स्टेट युनिभर्सिटीमा कार्यरत तिलकबहादुर श्रेष्ठले बाल्टीमोरस्थित संघीय ब्यूरोमा युद्ध अपराध र आतंकवादी कार्यमा संलग्न भएको भन्दै तत्कालीन नेकपा (माओवादी)का अध्यक्षसमेत रहेका दाहालविरुद्ध उजुरी हालेका थिए । तर, अमेरिकी सरकारले दाहालका विषयमा 'नो इन्भेस्टिगेसन नोटिस' जारी गर्‍यो ।

चैत ३ गते अमेरिका गएका दाहाल झन्डै डेढ हप्ताको बसाइ पछि फर्केका थिए ।

प्रकाशित : चैत्र १७, २०७५ १७:४५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
×