गैंडा मृत अवस्थामा फेला पर्यो
गुलरिया — बर्दिया राष्ट्रिय निकुन्जस्थित खाता जैविकमार्गमा करिब ३८ वर्षीय गैंडा मृत अवस्थामा फेला परेको छ । रेडियो कलर जडान भएको उक्त गैंडा मध्यवर्ती क्षेत्र अन्तर्गत पर्सेनी घाट नजिक डाडागाउँको जंगलमा मृत अवस्थामा बिहीबार फेला परेको जानकारी शु्क्रबार निकुन्ज प्रशासनले जानकारी गराएको छ ।
कालगतिमा गैंडाको मृत्यु भएको निमित्त संरक्षण अधिकृत अशोक कुमार भण्डारीले भने,‘मृत भएको गैडाको खाग,खुर लगायतका संवेदनशिल अंग निकालेर गाडिएको छ ।’
उमेरले बुढो हुँदै गएको गैंडा विरामीका कारण मरेको अनुसन्धानमा देखिएको निकुन्ज प्रशासनको भनाई छ । उक्त घटना सदरमुकाम गुलरियादेखि करिब ३० किमी पश्चिममा भएको हो । बर्दिया निकुन्जमा ३७ वटा गैंडा छन् । ती मध्ये कर्णाली तटिय क्षेत्र आसपासमा २९ र बबई उपत्याकामा ८ वटा गैंडा रहेको निकुन्जले जनाएको छ ।
प्रकाशित : पुस ७, २०७४ १७:०२