रामजानकी विवाह पञ्चमीको तयारी- उपत्यका - कान्तिपुर समाचार
कान्तिपुर वेबसाईट
AdvertisementAdvertisement

रामजानकी विवाह पञ्चमीको तयारी

कान्तिपुर संवाददाता

जनकपुर — प्रत्येक वर्ष मंसिर शुक्ल पञ्चमीको दिन मनाइँदै आएको रामजानकी विवाह महोत्सव पुस १ गते श्रद्धा तथा भक्तिसाथ मनाइने भएको छ। मधेस आन्दोलनका कारण यस वर्षको महोत्सव भने औपचारिक मात्र हुने जानकी मन्दिरका महन्थ रामतपेश्वर दास वैष्णवले जानकारी दिएका छन्।

महोत्सव तयारीबारे जानकारी दिन शनिबार महन्थ दासले पत्रकार सम्मेलन गरे। सम्मेलनमा आन्दोलनरत्त संयुक्त लोकतान्त्रिक मधेसी मोर्चाका जिल्लास्थित नेताहरूसँगै नागरिक समाजका अगुवाहरूलाई समेत बोलाइएको थियो। महन्थ दासले पारम्परिक रूपले मनाइँदै आएको यस महोत्सवको आयोजनमा सहयोग गर्न मोर्चाका नेताहरूसँग आग्रह गरेका थिए। 

कार्यक्रममा सहभागी तराई मधेस लोकतान्त्रिक पार्टी धनुषाका अध्यक्ष परमेश्वर साहले जनकपुरको सांस्कृतिक पहिचानको रूपमा रहेको विवाह महोत्सव आयोजनमा आफूहरू सक्दो सहयोग गर्ने प्रतिबद्धता व्यक्त गरेका थिए। यस वर्ष यातायात बन्दका कारण श्रद्धालुको संख्यामा कमी आउने अनुमान मेला आयोजक जानकी मन्दिरका छोटे महन्थ रामरोशन दास वैष्णवको छ।

जानकी मन्दिरका महन्थले दिएको जानकारी अनुसार अगामी शुक्रबारदेखि महोत्सव सुरु हुने छ।

प्रकाशित : मंसिर २१, २०७२ ०८:५३
प्रतिक्रिया
पठाउनुहोस्

भूकम्पपीडितलाई चेलीको सहयोग

राजेन्द्र मानन्धर

दोलखा — भूकम्पपीडितलाई सहयोग गर्न यहाँका चेलीबेटी माइती गाउँमा सक्रिय हुन थालेका छन्।

भूकम्पपछि करिब ९९ प्रतिशत भौतिक संरचना क्षति पुगेको दोलखाका वृद्धवृद्धा र विद्यार्थीका लागि सहयोग पुर्‍याउन दोलखा बजारका चेलीबेटीहरू सक्रिय भएका हुन्। 

दोलखा म्यासमुचा खलक (दोलखा चेलीबेटी समाज) को आयोजनामा उपत्यकास्थित चेलीबेटीका तर्फबाट भीमेश्वर नगरपालिकास्थित त्रिपुरासुन्दरी निमाविका १ सय ५२ विद्यार्थीलाई स्वीटर हस्तान्तरण गरिएको हो।
म्यासमुचा खलककी सकुना श्रेष्ठले गौरशंकर बालगृहमा १ लाख, भीम उच्चमाविलाई १ लाख, राजकुलेश्वर निमाविलाई १ लाख, त्रिपुरासुन्दरी निमाविलाई १ लाख र पशुपति कन्या माविलाई १ लाख रुपैयाँ उपलब्ध गराएकी छन्। यसैगरी ताम्रकौशिका निमाविलाई ५० हजार, फुलपा प्राविलाई ३० हजार, तिखातल प्राविलाई ३० हजार हस्तान्तरण गरिन्। श्रेष्ठले बाल मन्दिरका ५४ विद्यार्थीलाई स्वीटर प्रदान गरिन् भने दोलखा बजारभित्रका २ सय ज्येष्ठ तथा एकल महिलाका लागि साडी, चोलो, उलनको ओड्ने उपलब्ध गराएका छन्।
त्यसैगरी जफेस्थित चनौटेमा महिला स्वयंसेवीलाई १ लाख १२ हजारको सामान हस्तान्तरण गरिन्।
स्वर्गीय नानीकुमारी श्रेष्ठ र केशव मलेकुको सम्झनामा संगीतमय आध्यात्मिक दार्शनिक प्रवचन कार्यक्रमका बीच भूकम्पपीडितलाई सहयोग हस्तान्तरण गरिएको थियो। कार्यक्रममा सभासद 
तथा एमाले पोलिटब्युरो सदस्य पशुपति चौलागाईंले आफंै पीडामा रहेका बेला पनि दोलखाली चेलीबेटीले गरेको समाजसेवाको सरहना गरे।

प्रकाशित : मंसिर २१, २०७२ ०८:५१
पूरा पढ्नुहोस्
प्रतिक्रिया
पठाउनुहोस्
x
×