कान्तिपुर वेबसाईट
AdvertisementAdvertisement
२०.१२°C काठमाडौं
काठमाडौंमा वायुको गुणस्तर: १६४

दराजका उत्कृष्ट विक्रेतालाई १० हजार रुपैयाँ बराबरको भौचर प्रदान 

काठमाडौँ — अनलाइन ई कमर्स प्लेटफर्म दराज नेपालले उत्कृष्ट विक्रेतालाई ट्रफीसहित १० हजार रुपैयाँ बराबरको भौचर प्रदान गरेको छ । गत आइतबार सम्पन्न कम्पनीको सेलर समिट मार्फत विक्रेतालाई प्रोत्साहन स्वरुप भौचर प्रदान गरिएको कम्पनीले जनाएको छ ।

दराजका उत्कृष्ट विक्रेतालाई १० हजार रुपैयाँ बराबरको भौचर प्रदान 

कार्यक्रममा उद्योग, वाणिज्य तथा आपूर्ति मन्त्रालयका सचिव मधुकुमार मरासिनी, दराज नेपालका प्रबन्ध निर्देशक आँचल कुँवर तथा उद्योग वाणिज्य महासंघका अध्यक्ष शेखर गोल्छा लगायतले ई कमर्स प्लेटफर्मको महत्त्वबारे चर्चा गरेका थिए । समारोहमा सचिव मरासिनीले नेपालमा अब ई कमर्स उद्योगको प्रचुर संभावना रहेको बताए ।

त्यस्तैगरी दराजकी प्रबन्ध निर्देशक आँचल कुँवरले गत वर्षमा कम्पनीले गरेका उपलब्धी तथा आगामी कार्ययोजनाबारे चर्चा गरिन् । महासंघका अध्यक्ष गोल्छाले ईकमर्स प्लेटफर्मबाटै डिजिटल अर्थतन्त्रमा जान सकिने र यसले पारदर्शिता समेत बढ्ने बताए । दराजले आफ्ना बिक्रेता र ग्राहकलाई उच्च गुणस्तरीय सेवाहरू प्रदान गर्दै जाने प्रतिबद्धता जनाएको छ । विगत पाँच वर्षदेखि नेपालमा ईकमर्स प्लेटफर्मको रुपमा कार्य गर्दै आएको दराजले अहिलेसम्म विक्रेताको संख्या १८ हजार भन्दा बढी पुगेको दाबी गरेको छ । कम्पनीका अनुसार प्रतिमहिना १५ लाख सक्रिय एप प्रयोगकर्ता छन् भने नेपालका १०१ शहरहरूमा डेलिभरीको सुविधा छ ।


प्रकाशित : चैत्र ८, २०७९ २०:०५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?