निसान गाडी किन्नेलाई नबिल बैंकबाट कर्जा प्रवाह हुने
काठमाडौँ — निसान गाडीको आधिकारिक विक्रेता पायोनियर मोटोकर्पले बिक्री गर्दै आएको गाडीमा नबिल बैंकले कर्जा दिने भएको छ । बैंक र पायोनियरबीच भएको सम्झौता अनुसार अब निसानका गाडी खरिद गर्ने ग्राहकहरुले नबिलबाट छिटो र सहजताका साथ कर्जा पाउने छन् ।
सम्झौता पत्रमा बैंकको तर्फबाट कर्पोरेट हेड चाँदनी श्रेष्ठ र पायोनियरको तर्फबाट सहमहाप्रबन्धक ज्ञानेन्द्रबहादुर चन्दले हस्ताक्षर गरे । सम्झौता अनुसार विद्युतीय गाडी खरिद गर्नेलाई आधार दरमा ३.५ देखि ५ प्रतिशतसम्म ब्याजदर पर्नेछ । ७ वर्षको अवधि रहनेगरी विद्युतीय गाडीमा ८० प्रतिशतसम्म कर्जा प्रवाह हुनेछ । बैंकको जुनसुकै शाखाबाट यो ऋण सुविधा पाइने सम्झौता रहेको पायोनियरले एक विज्ञप्तिमार्फत जानकारी दिएको छ ।
प्रतिक्रिया