काठमाडौँ — शिवम् सिमेन्टले ल्याएको ‘शिवम्‌सँग उपहार टन्न’ योजनाको मेगा लक्की ड्र गरिएको छ । मेगा लक्की ड्र कार्यक्रममा उपभोक्ता तर्फ प्रथम पुरस्कार बापत २ भाग्यशाली विजेताले ५/५ तोला सुन उपहार पाएको शिवम् सिमेन्टले जनाएको छ ।

कम्पनीका अनुसार बाग्मती–पोखरा क्षेत्रबाट कृष्ण मानन्धर र उपत्यका बाहिरबाट चन्चल चौधरी ले ५/५ तोला सुन जितेका छन् । दोस्रो पुरस्कारस्वरुप ४ जना शिवराम, युवराज कार्की, चन्दन सिंह र सुरेशले ३/३ तोला सुन जितेको कम्पनीले जनाएको छ । ‘तेस्रो पुरस्कार विनोद आचार्य, नकुल पौडेल, शाह इन्जिनियरिङ कन्ट्रक्सन, हेल्थ एण्ड हाईजनिक प्रालि, अरुण यादव तथा मनोज यादव गरी ६ जनाले २/२ तोला सुन जित्न सफल भएका छन्’ शिवम् सिमेन्टले विज्ञप्तिमा भनेको छ ‘चौथो पुरस्कार ८ जनालाई १/१ तोला सुन तथा अन्य १० जनाले आधा/आधा तोला सुन जित्न सफल भएका छन् ।’ यसअघि भएका मासिक लक्की–ड्रहरुबाट उपभोक्ता तर्फ ६० जना तथा विक्रेता तर्फ ८० जना भाग्यशाली विजेताहरुको छनोट भइसकेको कम्पनीले जनाएको छ ।