काठमाडौँ — एनसेल आजियाटा लिमिटेडले प्रिपेड ग्राहकका लागि डेटा र भ्वाइस सेवाको बन्डल प्याक ल्याएको छ । नयाँ स्टार्टर प्याक ‘मज्जाको प्लान’ चैत ३ गते शुक्रबारदेखि संचालनमा आउने कम्पनीले जनाएको छ । इच्छुक ग्राहकले नजिकैको एनसेल सेन्टर वा आधिकारिक प्वाइन्ट अफ सेल्स (पीओएस) बाट खरिद गर्न सक्ने एनसेलले जनाएको छ ।

‘ग्राहकले यो स्टार्टर प्याक करसहित ५९९ रुपैयाँमा खरिद गर्न सक्नेछन्’ कम्पनीले एक विज्ञप्तिमार्फत भनेको छ ‘यस प्याक अन्तर्गत २० जीबी डेटा र १५० मिनेट लोकल टक टाइम प्रदान हुनेछ ।’ प्राप्त डेटा र टक टाइम सिम सुरु भएको २८ दिनको लागि मान्य रहने कम्पनीले जनाएको छ ।

कम्पनीका अनुसार ग्राहकले २०० वा सो भन्दा माथिको रिचार्जमा बोनस पनि प्राप्त गर्न सक्ने छन् । ग्राहकले २०० देखि ४९९ रुपैयाँको रिचार्जमा ५ प्रतिशत बोनस क्यास ब्याक र ५०० वा सो भन्दा बढीको रिचार्जमा १० प्रतिशत बोनस पाउने एनसेलले जनाएको छ । ‘यो प्लान सुरु गर्ने ग्राहकले अकर्षक डेटा र भ्वाइस सेवा बन्डल रहेको प्लान ५९९ रुपैयाँमा नै आफ्नो आवश्यकता अनुसार सिम खरिद गरेको दिन देखि ९० दिनसम्म जति पटक पनि खरिद गर्न सक्छन्’ कम्पनीले भनेको छ ‘त्यस्तै प्रिपेड ग्राहकले आफ्नो संचार सेवाको आवश्यकता अनुसार संचालनमा रहेका अन्य भ्वाइस तथा डेटाको विभिन्न प्याकहरु एनसेल एप तथा एसएमएस, यूएसएसडी माध्यमबाट लिन सक्नेछन् ।’