काठमाडौँ — एनएमबी बैंकले विश्व क्रिकेट लिग–२ मा उत्कृष्ट प्रदर्शन गरेवापत सहभागी १६ जनालाई सम्मान र हौसला स्वरुप जनही २१ हजार नगद प्रदान गर्ने घोषणा गरेको छ । बैंकका प्रमुख कार्यकारी अधिकृत सुनिल केसीले खेलाडीहरु राष्ट्रका गौरव भएकाले उनीहरूको मनोबल उच्च राख्न राख्न सम्मान स्वरुप नगद प्रदानको घोषणा गरिएको बताए । 

२०१९ देखि सुरु भएको यस विश्व क्रिकेट लिग–२ को कुल ३५ खेलमा १८ वटा म्याचमा जित हात पारेर नेपाल बिहीबार यूएईसँग फाइनल म्याचमा भिडेको हो । यो नगद पुरस्कारले आगामी खेलमा अझै उत्कृष्ट प्रदर्शन गर्न प्रोत्साहित गर्ने विश्वास लिइएको केसीले बताए । सो पुरस्कार रकम सबै १६ खेलाडीको नाममा बैंकमा खाता खोली उक्त खाता मार्फत हस्तान्तरण गरिने उनको भनाइ छ ।