सामसङले ल्यायो एम- ४ स्मार्टफोन, दराजबाट प्रिअर्डर गर्न सकिने
काठमाडौँ — सामसङ एम सिरिजअन्तर्गतको ग्यालेक्सी एम- ४ स्मार्टफोनको प्रिअर्डर अनलाइन बजार दराजमार्फत खुलेको छ । फोनमा ४ जीबी र्याम प्लसका साथ ८ जीबीसम्म क्षमता बढाउन सकिने विशेषता उपलब्ध छ । र्याम प्लसले प्रयोगकर्तालाई आवश्यकता बमोजिम र्यामको स्टोरेज वृद्धि गर्ने सुविधा प्रदान गर्दछ ।
यसमा १ टीबीसम्म स्टोरेज वृद्धि गर्न सकिने सुविधा रहेकोले प्रयोगकर्ताले स्टोरेजको चिन्ता लिन नपर्ने कम्पनीको भनाइ छ । कम्पनीका अनुसार फोनमा मिडिया टेक हेलियो पी- ३५ प्रोसेसर जडित छ, जुन २.३ गेगाहर्जसम्म चलाउन सकिन्छ । 'प्रयोगकर्ताले यसमा परिस्कृत कार्यसम्पादन, सहज मल्टिटास्किङ, सजिलो एप नेभिगेसन र निर्वाध गेमिङ अनुभव गर्न सक्ने छन्' कम्पनीद्वारा जारी विज्ञप्तिमा उल्लेख छ ।
६ दशमलव ५ इन्च डिस्प्ले रहेको यो फोनमा ५ हजार एमएएच पावरकाे ब्याट्री जडान गरिएको छ । इन–बक्स चार्जरसहित फोन उपलब्ध रहेको कम्पनीले जनाएको छ । ४ जीबी प्लस ६४ जीबीको बजार मूल्य १५ हजार ९९९ रुपैयाँ र ४ जीबी प्लस १२८ जीबीको मूल्य १७ हजार ९९९ रुपैयाँ तोकिएको छ । हरियो र निलो रंगमा फोन उपलब्ध छ । हाल दराज एपमार्फत मात्रै प्रिअर्डर खुलेको सामसङले जनाएको छ ।