यामाहाले ल्यायो ‘की टू द गोल्डेन हार्ट’ स्किम 

काठमाडौँ — भ्यालेन्टाइनको अवसरमा यामाहाले ‘की टू द गोल्डेन हार्ट’ नामक स्किम ल्याएको छ । १ लाखसम्मको क्यास ब्याक अफर समेत  कम्पनीले जारी राखेकाे जनाएको छ । यस स्किमअन्तर्गत लक्की ड्रमार्फत हरेक साता एउटा सुनको लकेट र सुनको चाबी उपहार स्वरूप दिइने यामाहाले जनाएको छ ।

‘यो अफर स्कुटरहरुमा १७ फेब्रुअरीसम्म र बाइकहरुमा नयाँ योजना घोषणा नगरेसम्म मात्र लागू हुनेछ’ कम्पनीले एक विज्ञप्तिमार्फत भनेको छ । कम्पनीका अनुसार खरिदकर्ताले एकै पटकमा सम्पूर्ण रकम तिर्न नसकेको खण्डमा डाउनपेमेन्टको विकल्प रोज्न सक्ने छन् । कुल मूल्यको २० प्रतिशत रकम डाउनपेमेन्ट गरी बाँकी रकम ९.९९ प्रतिशतको न्यूनतम ब्याजदरमा भुक्तानी सुविधा रहेको कम्पनीले जनाएको छ । फाइनान्स सुविधा एमएडब्लु इन्भेस्टमेन्टद्वारा सञ्चालन गरिएको यामाहा नेपालका मार्केटिङ प्रमुख एम गुरुङले जानकारी दिए ।