सिटिजन्स बैंकको सीईओमा गणेशराज पोखरेललाई निरन्तरता
काठमाडौँ — सिटिजन्स बैंकको बुधबार बसेको ४११औं सञ्चालक समिति बैठकले हालका सीईओ गणेशराज पोखरेललाई नै निरन्तरता दिएको छ । पोखरेललाई आगामी ४ वर्षको कार्यकालका लागि सीईओमा नियुक्त गर्ने निर्णय भएको बैंकले जनाएको छ ।
पोखरेलले स्थापनाकाल देखिनै बैंकमा आवद्ध भई नेतृत्वदायी भूमिका निर्वाह गर्दै आएका छन् । पोखरेलले यसअघि पनि ४ वर्षे कार्यकाल सीईओका रुपमा सम्हालेका थिए । उनको कार्यकालमा ग्राहक संख्या, डिम्याट संख्या, मोबाइल बैकिङ तथा अन्य डिजिटल कारोबार, बैंकिङ सेवामा उपलब्धि हासिल भएको बैंकले जनाएको छ । बैंकका अनुसार पोखरेलको पहिलो कार्यकालमा निक्षेप औसत वार्षिक २६.०४ प्रतिशत बढेर हाल १ खर्ब ६१ अर्ब ४५ करोड पुगेको, कर्जा औसतमा वार्षिक २३.६२ प्रतिशत बढेर हाल १ खर्ब ४२ अर्ब ५४ करोड पुगेको छ ।
