ब्रिटिस प्रोफेसनल कलेजकी रिया बनिन् फाइनान्सियल म्यानेजमन्टमा विश्वकै दोस्रो उत्कृष्ट छात्रा
काठमाडौँ — द ब्रिटिस कलेज अन्तर्गतको ब्रिटिस प्रोफेसनल कलेज (बीपीसी)मा अध्ययनरत रिया मानन्धर हालै प्रकाशित एक परीक्षाको नतिजामा विश्वकै दोस्रो उत्कृष्ट छात्रा बन्न सफल भएकी छन् । कलेजको एसोसिएसन अफ चार्टर्ड सर्टिफाइड एकाउन्टेन्ट्स (एसीसीए) कार्यक्रममा अध्ययनरत रियाले ‘फाइनान्सियल म्यानेजमेन्ट’ विषयमा ९८ प्रतिशत अंक ल्याएकी हुन् ।
२० वर्षीय मानन्धरले यसअघि पनि गत मार्चमा भएको एसीसीए अन्तर्गतको पर्फमेन्स म्यानेजमेन्ट परीक्षामा ९१ प्रतिशत प्राप्त गरी विश्वको एक उत्कृष्ट छात्रा बनेकी थिइन् । त्यस्तै सन् २०२१ को मा ट्याक्सेसन पेपरमा ९८ प्रतिशत ल्याउँदै उनी विश्वकै उत्कृष्ट भएकी थिइन् । यस वर्ष पनि उनले ‘फाइनान्सियल म्यानेजमेन्ट’ विषयमा ९८ प्रतिशत ल्याउँदै विश्वको दोस्रो उत्कृष्ट बन्न सफल भएकी हुन् ।
एसीसीए कार्यक्रम विश्वको सबैभन्दा ठूलो र छिटो बढिरहेको अन्तर्राष्ट्रिय लेखा निकाय हो । यसमा विश्वका १७९ देशका ५ लाख ३५ हजार विद्यार्थी र २ लाख ३३ हजार सदस्यहरु रहेका छन् । रियाले पुनः राम्रो नतिजा ल्याएकोमा कलेजका एसीसीए प्रोग्राम म्यानेजर दिपेन्द्र के. श्रेष्ठले आफ्ना विद्यार्थीहरुले नियमित रूपमा अन्तर्राष्ट्रियस्तरका उपलब्धि हासिल गरिरहेको बताए ।