होन्डाले ल्यायो साइन र ग्राजियामा दुई आकर्षक उपहार- बजार - कान्तिपुर समाचार
कान्तिपुर वेबसाईट
AdvertisementAdvertisement

होन्डाले ल्यायो साइन र ग्राजियामा दुई आकर्षक उपहार

कान्तिपुर संवाददाता

काठमाडौँ — होन्डा टु हिृवलर्सको आधिकारिक विक्रेता स्याकार ट्रेडिङ कम्पनीले साइन र ग्राजियामा दुई वटा आकर्षक उपहार योजना ल्याएको छ । योजना अनुसार ग्राहकले अर्डर गरेको साइनको कुनै पनि पार्टस् ९९ घण्टा भित्र पाइनेछ ।

यदि उक्त समयभित्र पार्टस् नआएमा ग्राहकले आफूले चाहेको रकम मात्र तिर्न सक्ने कम्पनीले जनाएको छ । कम्पनीका अनुसार यो अफर छिटो सर्भिसको ग्यारेन्टी सहित लागतमा सुविधाको वैकल्पिक छनोटका रुपमा ल्याइएको हो ।नयाँ होन्डा ग्राजिया खरिद गर्ने ग्राहकले १ रुपैयाँमा ३ वर्षको लागि सर्भिसिङ र स्पेयर पार्टस्‌को लाभ लिन सक्ने कम्पनीले जनाएको छ ।


प्रकाशित : माघ ९, २०७९ १८:२५
प्रतिक्रिया
पठाउनुहोस्

उपसभामुख रानामगरले गरिन् पदभार ग्रहण

कान्तिपुर संवाददाता

काठमाडौँ — प्रतिनिधिसभाकी उपसभामुख इन्दिरा रानामगरले पदभार ग्रहण गरेकी छन् । संसद्‍ सचिवालय सिंहदरबारमा आयोजित कार्यक्रममा सभामुख देवराज घिमिरेले पद तथा गोपनीयताको शपथग्रहण गराएपछि उपसभामुख रानामगरले पदभार ग्रहण गरेकी हुन् ।

'संवैधानिक परिषद्का सदस्यका रूपमा निर्णायक भूमिका खेल्छु । सभामुखको समन्वयमा विधेयक र कानुन निर्माणमा काम गर्नेछु,' रानाले भनिन् ।

शपथग्रहणअघि रानाले राष्ट्रिय स्वतन्त्र पार्टीको सबै जिम्मेवारी परित्याग गरेकी थिइन् । सत्ता गठबन्धनले उनलाई उपसभामुखको उम्मेदवार बनाएको थियो । शनिबार भएको निर्वाचनमा राना कांग्रेसकी मुक्ताकुमारी यादवलाई पराजित गर्दै निर्वाचित भएकी थिइन् ।

प्रकाशित : माघ ९, २०७९ १८:२२
पूरा पढ्नुहोस्
प्रतिक्रिया
पठाउनुहोस्
×