नेपाल दुग्ध विकास संस्थान कर्मचारी संघमा नयाँ कार्यसमिति - बजार - कान्तिपुर समाचार
कान्तिपुर वेबसाईट
AdvertisementAdvertisement

नेपाल दुग्ध विकास संस्थान कर्मचारी संघमा नयाँ कार्यसमिति 

कान्तिपुर संवाददाता

काठमाडौँ — नेपाल दुग्ध विकास संस्थान (डीडीसी) कर्मचारी संघमा नयाँ कार्यसमिति चयन भएको छ । कर्मचारी संघको १२ औं केन्द्रीय महाधिवेशनले विजयकुमार यादवको नेतृत्वमा नयाँ कार्यसमिति चयन गरेको हो । महाअधिवेशनबाट वरिष्ठ उपाध्यक्षमा ज्ञान राज राई, महिला उपाध्यक्षमा अलिसा उलक तथा उपाध्यक्षमा मणिराम फुयाँल र पदमबहादुर खड्का चयन भएका छन् ।

त्यस्तै, उपाध्यक्षमा पूर्व क्षेत्रतर्फ इश्वरचन्द राजवंशी, मध्य क्षेत्रमा सूर्यदेव प्रसाद यादव र पश्चिम क्षेत्रमा बसन्त कुमार राय निर्वाचित भएका छन् । संघको महासचिवमा रेवती प्रकाश सुवेदी र उपमहासचिवमा निरेन्द्र न्यौपाने निर्वाचित भएका छन् । सचिवमा पूर्व क्षेत्रतर्फ श्याम किशोर चौधरी, मध्यक्षेत्रतर्फ नरबहादुर विष्ट र पश्चिम क्षेत्रतर्फ रामरतन रजक निर्वाचित भएको संघले जनाएको छ ।

संघका अनुसार सहसचिवमा झरना दाहाल, कोषाध्यक्षमा सनोद कुमार पौडेल र सहकोषाध्यक्षमा उपेन्द्र कुमार गुप्ता निर्वाचित भएका छन् । त्यसैगरी, सदस्यतर्फ सीता महर्जन, अम्बिका पोखरेल, भगीरथ खड्का, सालिकराम मिश्र, कमलप्रसाद पाण्डे, अन्जु कोइराला दाहाल, भुषण अधिकारी, गिरीप्रसाद पराजुली, ओमराज रेग्मी, ग्याल्छेन तामाङ, हस्तबहादुर धलान, गणेश प्रसाद पौडेल, शिवलाल घर्ती र रामप्रसाद चौधरी निर्वाचित भएका छन् ।


प्रकाशित : माघ ८, २०७९ १४:५८
प्रतिक्रिया
पठाउनुहोस्

धरानमा उपमहानगरले चलायो ‍डोजर, स्थानीय र सुरक्षाकर्मीबीच झडप

कान्तिपुर संवाददाता

सुनसरी — खोला किनारको सार्वजनिक ऐलानी, पर्ति जग्गामा पक्की घर बनाएको भन्दै धरान उपमहानगरपालिकाले वडा–५ स्थित अँधेरी खोला छेउमा बनेको एक तले पक्की घर डोजर लगाएर भत्काइदिएको छ ।

सार्वजनिक जग्गा अतिक्रमण गरी घर निर्माण गरिएको भन्दै उपमहानगरपालिकाले मुना चौधरी लिम्बूको चारकोठे एक तले पक्की घर भत्काइदिएको हो । उपमहानगरपालिकाले त्यहाँ घर नबनाउन पत्राचार समेत गर्दा पनि अटेर गरी घर निर्माण गरेपछि भत्काएको जनाएको छ ।

उपमहानगरका अनुसार मुनाको घर खार खोला र अँधेरी खोलाको संगमस्थलमा बहुजातिय रंगशाला बनाउने निर्णय गरेको र सो क्षेत्रमा एक तले पक्की घर निर्माण गरिएकाले भत्काएको हो । घर भत्काउने क्रममा झडप समेत भएको थियो । झडपमा धरान उपमहानगरपालिकाको डोजरमा क्षति पुगेको छ । डोजरको सिसा फुटेका छ भने केही व्यक्ति सामान्य घाइते भएका थिए ।

उपमहानगरपालिकाका नगर प्रहरी प्रमुख विष्णु कोइरालाले उपमहानगरपालिकाले संरक्षण गरी बहुजातिय रंगशाला बनाउने भनेको स्थानमा अनधिकृत बसोबास बस्न थालेकोले र पटक पटक आग्रह गर्दा पनि अटेर गरेर घर निर्माण गरेकोले भत्काउनु परेको बताए ।

मुनाको घर भत्काउन आउँदा पूर्ववडाअध्यक्ष सन्तोष लिम्बू समेतले उक्त घर भत्काउन नहुने भन्दै प्रतिवाद गरेका थिए । उनले भने, ‘भत्काउने भए वडा ५ मा ८० प्रतिशत घर ऐलानीमा बसेका छन् ती पनि भत्काउनु पर्‍यो तर पहिलादेखि नै चर्चेको जग्गामा घर बनाएर बसेका सुकुम्बासीलाई व्यवस्थापन नगरी भत्काउनु हुँदैन थियो ।’ उनले नगरप्रमुख हर्क साम्पाङ फिल्डमा आएर स्थानीयसँग छलफल गर्नुपर्ने माग गरेका छन् । उनले पहिला खोलाको भाग सिमांकन गर्नुपर्ने पनि माग गरेका छन् ।

लामो समय अर्काको कोठा भाडामा बस्दै आएका मुना र उनका श्रीमान् नवीन ओख्राबो लिम्बूले पहिल्यैदेखि रोकेर राखेको करिब ८ धुर जग्गामा आफन्तबाट ऋण लिएर ६ लाख रुपैयाँमा ६ महिनाअघि सानो घर बनाएका थिए । ओख्राबोले भने, ‘हामीले सुकुम्बासी आयोगले सञ्चालन गरेको दर्ता नामावलीमा पनि नाम दर्ता गरेको उपमहानगरमै छ । अरुको घर भत्काएन तर हाम्रोमात्र किन भत्कायो ? मैले बुझ्न सकिनँ ।’

ओख्राबो पूर्ववडाध्यक्ष सन्तोष लिम्बूकोमा काम गर्छन् । चुनावको बेला हर्कराज साम्पाङ र कांग्रेसका सन्तोषबीच चुनावी लफडा, खोलाको गिटी बालुवा निकाल्ने विरुद्ध साम्पाङको अभियान चल्दा हिंसात्मक झडपमा सन्तोषको संलग्नताको मारमा ओख्राबो परेको स्थानीयले बताएका छन् ।

केही दिन अघिमात्र मुना चौधरी लिम्बूले वडा नं ५ को कार्यालयलाई विपक्षी बनाएर अन्तरिम आदेशको माग गर्दै जिल्ला अदालत सुनसरीमा रिट दायर गरेकी थिइन् । तर उनको रिटमा अदालतले अन्तरिम आदेश भने दिएन । अदालतले कुनै आदेश जारी नगरेपछि डोजर लगाएर भत्काइएको हो । डोजर लगाएर भत्काएको बारेमा नगरप्रमुख साम्पाङसँग सम्पर्क गर्न खोज्दा सम्पर्क हुन सकेन ।


प्रकाशित : माघ ८, २०७९ १४:४३
पूरा पढ्नुहोस्
प्रतिक्रिया
पठाउनुहोस्
×