ग्लोबल आईएमई बैंकद्वारा महिलाको निःशुल्क स्वास्थ्य परीक्षण- बजार - कान्तिपुर समाचार
कान्तिपुर वेबसाईट
AdvertisementAdvertisement

ग्लोबल आईएमई बैंकद्वारा महिलाको निःशुल्क स्वास्थ्य परीक्षण

कान्तिपुर संवाददाता

काठमाडौँ — ग्लोबल आईएमई बैंकले १६ औं वार्षिकोत्सवका अवसरमा महिलाहरुको नि:शुल्क स्वास्थ्य परीक्षण गरेको छ । संस्थागत सामाजिक उत्तरदायित्वअन्तर्गत बैंकले मेरी उनीलाई स्वस्थ नारी पहल अभियान थालेको थियो ।

यस अन्तर्गत बैंकले सबै प्रदेश समेट्ने गरी एक सातासम्म महिलाहरुका लागि स्वास्थ्य शिविर सञ्चालन गरेको हो । शिविरमा स्त्रीरोग विज्ञहरुले स्त्रीसम्बन्धी रोगहरु पाठेघरको क्यान्सर (भीआईए) परीक्षण, गर्भाशय प्रोल्याप्स केसको उपचार तथा औषधि वितरण लगायतका सेवाहरु निःशुल्क रुपमा उपलब्ध गराइएको बैंकले जनाएको छ । बैंकका अनुसार स्वास्थ्य शिविरमा ८०९ जना महिलाहरुले सेवा लिएका छन् । स्वास्थ्य शिविरले ग्रामीण तथा अर्धशहरी क्षेत्रमा रहेका, स्वास्थ्य सेवाको पहुँच नभएका महिला तथा बालिकाहरुका निम्ति सहयोग पुगेको बैंकको भनाइ छ ।


प्रकाशित : माघ ४, २०७९ १९:२५
प्रतिक्रिया
पठाउनुहोस्

बाँकेमा फैलँदै दादुरा संक्रमण

रुपा गहतराज

नेपालगन्ज — नेपालगन्ज उपमहानगरपालिकामा मात्र देखिएको दादुरा संक्रमण छिमेकी गाउँपालिकामा पनि फैलिएको छ ।

नेपालगन्ज उपमहानगरपालिकामा मात्रै देखिएको दादुरा अहिले नेपालगन्ज उपमहानगरपालिका साथै कोहलपुर नगरपालिका, खजुरा र नरैनापुर गाउँपालिकामा पनि देखिएको स्वास्थ्य कार्यालय, नेपालगन्जका खोप सुपरभाइजर नरेश श्रेष्ठले जानकारी दिए।

नेपालगन्जमा हालसम्म एक सय ९१ जनामा दादुरा देखा परिसकेको छ। खजुरामा तीन जना, कोहलपुरमा दुई जना र नरैनापुरमा एक जनामा दादुरा देखिएको छ। दादुरा देखिएको ठाउँमा दादुराविरुद्धको खोप अभियान थालिएको छ। नेपालगन्जका १६ वटा वडामा खोप अभियान सञ्चालन गरिएको छ।खजुरा गाउँपालिकाका ८ वटै वडामा खोप अभियान थालिएको छ।

यसैबीच, नेपालगन्जका ३१०४२ र खजुराका ५९७४ जना बालबालिकालाई खोप लगाइएको श्रेष्ठले जानकारी दिए ।

पुस १२ गते जिल्लामा अहिलेसम्म २ सय ९ जनामा दादुरा देखिएकोमा १ सय ५० जना निको भएका छन् भने ५८ जना उपचारमा छन् । एक जनाको मृत्यु भएको छ ।

पुस २२ गतेदेखि भने अभियानकै रुपमा खोप लगाउने कार्यलाई निरन्तरता दिइएको छ । ६ महिनादेखि १५ वर्षसम्मका बालबालिकाहरुलाई दादुरा रुबेला विरुद्धको खोप लगाइँदैछ ।

प्रकाशित : माघ ४, २०७९ १९:११
पूरा पढ्नुहोस्
प्रतिक्रिया
पठाउनुहोस्
×