नेप्काको सभापतिमा अधिकारी- बजार - कान्तिपुर समाचार
कान्तिपुर वेबसाईट
AdvertisementAdvertisement

नेप्काको सभापतिमा अधिकारी

कान्तिपुर संवाददाता

काठमाडौँ — नेपाल मध्यस्थता परिषद् (नेप्का)को सभापतिमा राजेन्द्रप्रसाद अधिकारी निर्वाचित भएका छन् । नेप्काको ३१औं साधारणसभाले उनीसहितका १० जना कार्यसमिति चुनेको हो ।

उपसभापतिमा लालकृष्ण केसी, महासचिवमा बाबुराम दाहाल, सचिवमा थानेश्वर काफ्ले (राजेश) र कोषाध्यक्षमा हरिकुमार सिलवाल निर्वाचित भएका छन् । यसैगरी सदस्यहरूमा गान्धी पण्डित, मनोजकुमार शर्मा, महेन्द्रबहादुर गुरुङ, माधवप्रसाद पौडेल र सोमबहादुर थापा चुनिएको नेप्काले जारी गरेको विज्ञप्तिमा उल्लेख छ । नेप्काका निवर्तमान सभापति ध्रुवराज भट्टराई हुन् ।

प्रकाशित : माघ ४, २०७९ १७:४३
प्रतिक्रिया
पठाउनुहोस्

मैले आफ्नो सीमा बुझेको छु, राष्ट्रपति पद मेरा लागि होइन : डा. रुइत

कान्तिपुर संवाददाता

काठमाडौँ — वरिष्ठ नेत्र चिकित्सक सन्दुक रुइतले राष्ट्रपतिको विश्वसनियता लोकतन्त्रमा महत्वपूर्ण रहेको बताएका छन् । १३ करोड रुपैयाँको प्रतिष्ठित इसा अवार्ड पाउने घोषणा भएपछि डा. रुइतले बुधबार पत्रकार सम्मेलन गरेका थिए । त्यही क्रममा पत्रकारहरुले गरेको राष्ट्रपति बनेर नीति निर्माण गर्ने पदमा जानुहुन्छ कि भन्ने प्रश्नको जवाफमा रुइतले आफूले धेरै काम गर्न बाँकी रहेको बताएका हुन् । 

नेपालमा राष्ट्रपति पद आलंकारिक भए पनि त्यसको मानसम्मान राख्नुपर्ने उनले बताए । 'लोकतन्त्रमा राष्ट्रपतिको विश्वसनियता असाध्यै बढी छ, रबरस्ट्याम्प भए पनि । भारतको राष्ट्रपतिलाई हेर्नुहोस् कस्तो सम्मान छ । हामी सबै मिलेर राष्ट्रपतिको त्यो विश्वसनियता र सम्मान कामय गर्नुपर्छ । त्यसमा कमी छ,' उनले भने ।

राष्ट्रपति पद आफ्नो लागि नभएको डा. रुइतको भनाइ थियो । उनले आफूले स्वास्थ्य क्षेत्रमा गर्नुपर्ने काम धेरै रहेको बताए । 'यो पद मेरो लागि होइन । मैले आफ्नो सीमा र स्थान बुझेको छु । यही कारणले नै यहाँसम्म आएको हो । मैले दायाँबायाँ गर्ने होइन । सक्नेभन्दा अरु काम गर्दैन, जान्दैन पनि । मैले योभन्दा गर्नुपर्ने काम धेरै छ,' उनले भने ।

आफूले पाएको अवार्ड ठूलो र सम्मानित भएको बताउँदै डा. रुइतले राज्यले पनि त्यसको महत्व बुझ्नुपर्ने बताए । उनले जनता खुसी भएको अवस्थामा राज्यले पनि सोही अनुसारको दायित्व पूरा गर्नुपर्ने धारणा राखे ।

प्रकाशित : माघ ४, २०७९ १७:४०
पूरा पढ्नुहोस्
प्रतिक्रिया
पठाउनुहोस्
×