राष्ट्रिय वाणिज्य बैंकका एकै पटक पाँच शाखा कार्यालय थपिए

शाखा कार्यालय ताप्लेजुङको बैंक सञ्चालक दिलिप कुमार ढुङ्गानाले उद्घाटन गरे । त्यस्तै तेह्रथुमको म्याग्लुङ नगरका प्रमुख संजयकुमार तुम्बाहाम्फे, धुलाबारी शाखाको झापा १ ख का प्रदेश सांसद गोपाल तामाङ, मलगंवा शाखाको सर्लाही २ ख का प्रदेश सांसद कौशल किशोर दास र रसुवा शाखाको रसुवा ख का प्रदेश सांसद इन्द्रप्रसाद गोतामेले उद्घाटन गरे । बैंकका प्रमुख कार्यकारी अधिकृत किरणकुमार श्रेष्ठले राष्ट्रिय वाणिज्य बैंकले देशको दूरदराज तथा शहरी क्षेत्रमा शाखा सञ्चालन गरी प्राथमिकताका साथ बैंकिङ सेवा प्रवाह गरिरहेको बताए ।