चन्द्रपुर, नारायणघाट र हेटौंडामा खुल्यो गल्फ लुब्रिकेन्टको सोरुम
काठमाडौँ — गल्फ लुब्रिकेन्टको उत्पादक तथा वितरक नेपाल ल्युब आयले एकै पटक तीन वटा सोरुम विस्तार गरेको छ । कम्पनीले रौतहटको चन्द्रपुरमा आफ्नो आधिकारिक बिक्रेताका रुपमा जैसवाल ट्रेडिङ कन्सर्न, नारायणघाटमा आशिर्वाद अटो ट्रेडिङ र हेटौंडामा दिव्या बिजनेस कन्सर्न नामक सोरुम सञ्चालनमा ल्याएको हो ।
ती सोरुमहरुको उद्घाटन नेपाल ल्युब आयलका कार्यकारी निर्देशक करण चौधरीले गरे । उद्घाटन समारोहमा चौधरीले गल्फ नेपालमा सबैभन्दा धेरै बिक्री हुने लुब्रिकेन्ट भएको दाबी गरे । उच्च पफर्मेन्सका कारण यो लोकप्रिय रहेको उनको दाबी छ । नेपाल ल्युब आयलका महाप्रबन्धक गंगाराज भट्टराईले गल्फले पहिलेदेखि नेटवर्क बढाउँदै गएको बताए ।