विराटनगर इन्टरनेसनल कलेजका ६२ विद्यार्थी दीक्षित- बजार - कान्तिपुर समाचार

विराटनगर इन्टरनेसनल कलेजका ६२ विद्यार्थी दीक्षित

कान्तिपुर संवाददाता

काठमाडौँ — विराटनगर इन्टरनेसनल कलेजका ६२ विद्यार्थी दीक्षित भएका छन् । कलेजले आयोजना गरेको दीक्षान्त समारोहमा बिएससी (अनर्स) इन्टरनेसनल बिजनेस म्यानेजमेन्ट विषयका ६२ जना विद्यार्थी दीक्षित भएका हुन् । तीन वर्षे तह अध्ययनपछि  विद्यार्थीले भविष्यमा नयाँ काम र अध्ययन खोजी गर्न सक्नेछन् । 

स्नातक तह पार गरेपछि उत्कृष्ट विद्यार्थीलाई पोष्ट ग्र्याजुएट तहको लागि इनोभेट नेपाल ग्रुपले छात्रवृत्तिको व्यवस्था गरेको छ । ती विद्यार्थीले हेराल्ड कलेज काठमाडौंमा एमबीए अध्ययन गर्न पाउनेछन् । जुन आईएनजीले सञ्चालन गरेको छ । दीक्षान्त समारोहमा दीक्षित विद्यार्थीलाई बेलायतस्थित उल्भरहेम्टन विश्वविद्यालयका सह उपकुलपति (प्रो भाइस चान्सलर) टिच स्टिलले प्रमाणपत्र प्रदान गरे ।


प्रकाशित : मंसिर १५, २०७९ १९:५१
प्रतिक्रिया
पठाउनुहोस्

पूर्व सदस्यसचिव सिंहको निधन

कान्तिपुर संवाददाता

काठमाडौँ — राष्ट्रिय खेलकुद परिषद् (राखेप) का पूर्व सदस्य–सचिव किशोरबहादुर सिंहको बिहीबार निधन भएको छ । थापाथलीस्थित नर्भिक अस्पतालमा उपचारका क्रममा निधन भएको हो । उनको हृदयघातका कारण निधन भएको ब्याडमिन्टन संघले जनाएको छ ।

२०२९ सालदेखि २०३४ सालम्म नेपाली ब्याडमिन्टनमा ६ पटकको राष्ट्रिय च्याम्पियन भएका सिंह नेपाल जिम्न्याष्टिक संघको सह–अध्यक्षको जिम्मेवारी थिए । उनले २०५९ सालदेखि २०६३ साल सम्म राष्ट्रिय खेलकुदको सदस्यसचिव भएर जिम्मेवारी सम्हालेका थिए ।

स्व. सिंहका एक छोरी र श्रीमती छन् । उनको शुक्रबार पशुपति आर्यघाटमा अन्त्येष्टि गरिने जनाइएको छ ।

राष्ट्रिय खेलकुद परिषद्ले शोक वक्तव्य जारी गर्दै सिंहको निधनले नेपाली खेलकुदमा अपुरणीय क्षति पुग्नुका साथै परिषद परिवारलाई दु:खी तुल्याएको जनाएको छ ।

वक्तव्यमा भनिएको छ, ‘नेपाली खेलकुदको विकास र विस्तारमा सिंहको योगदान प्रशंसनीय छ । उहाँको आत्माको चिरशान्तिको कामना गर्दै यस दु:खद घडीमा शोकसन्तप्त परिवारजनप्रति हार्दिक समवेदना व्यक्त गर्दछौं ।’


प्रकाशित : मंसिर १५, २०७९ १९:४७
पूरा पढ्नुहोस्
प्रतिक्रिया
पठाउनुहोस्
×