सामसङद्वारा दसैं विजेतालाई कार उपहार हस्तान्तरण - बजार - कान्तिपुर समाचार
कान्तिपुर वेबसाईट
AdvertisementAdvertisement

सामसङद्वारा दसैं विजेतालाई कार उपहार हस्तान्तरण 

कान्तिपुर संवाददाता

काठमाडौँ — सामसङले यसपालिको दसैंमा ग्राहकका लागि ल्याएको ‘यो वर्षको दसैं उपहार डेल्ली टीभी, ड्याम्मै कार’ अफरका विजेतालाई बम्पर पुरस्कार वितरण गरेको छ । अगस्ट २८ देखि सेप्टेम्बर ३० सम्म चलेको यस अफरमा २६ जना भाग्यशाली विजेताले एक–एक वटा ६५ इन्चका सामसङ टीभी पाएका छन् । 

त्यस्तै एक भाग्यशाली विजेताले अफरको बम्पर पुरस्कार नयाँ कार जितेका छन् । सो बम्पर पुरस्कार विजेतालाई हस्तान्तरण गरिएको कम्पनीले जनाएको छ । यस दसैं अफरमा सामसङको आधिकारिक आउटलेट वा इकमर्स साइटबाट सामसङको कुनै पनि स्मार्टफोन वा ट्याब्लेट खरिद गर्नुपर्ने थियो । सो अवधिभर दैनिक विजेताहरु सामसङको फेसबुक पेजबाट प्रत्यक्ष प्रसारणमा घोषणा गरिएको थियो । सामसङ नेपालका निर्देशक प्रणय रत्न स्थापितले वर्षभर नै कम्पनीले नयाा र रोमाञ्चक अफर ल्याउने गरेको बताए ।


प्रकाशित : मंसिर १३, २०७९ १२:५३
प्रतिक्रिया
पठाउनुहोस्

तीन सातादेखि रमाना गिरी बेपत्ता

राजबहादुर शाही

मुगु — खत्याड गाउँपालिका-८ रिघा गाउँकी २४ वर्षीया रमाना गिरी बेपत्ता भएको तीन साता बितिसक्दा पनि अझै पत्तो लागेको छैन । गत कात्तिक २१ गते राति उनी घरमा डेढ महिनाकी छोरी छाडेर बेपत्ता भएकी थिइन् ।

गिरी बेपत्ता भएको तीन सातासम्म पनि घरबाट खोजीको प्रयास नभएको भन्दै माइतीले खोजी कार्यका लागि प्रहरीलाई दबाब दिँदै आएका छन् ।

कात्तिक २२ गते गिरीको माइती पक्षले रातापानी प्रहरी चौकीमा खोजी कार्यका लागि उजुरी दिएका छन् । ‘बहिनी बेपत्ता भएको तीन साता बितिसक्दा पनि खोजी कार्य भएन‚’ रमानाका दाजु टेकराज गिरीले भने‚ ‘अहिलेसम्म न त जीवित न त मृत्यु‚ कुनै अत्तोपत्तो छैन । हामीले खोजी गरिरहेका छौँ ।’ पोइली पक्ष चुपचाप रहेको माइती पक्षको आरोप छ ।

बेपत्ता रमानाका श्रीमान् प्रेमरा गिरीलाई नियन्त्रण लिएर अनुसन्धान गरिरहेको जिल्ला प्रहरी कार्यालयका सूचना अधिकारी सुदर्शन पन्थीले बताए । हरेक कोणबाट गिरीबारेमा अनुसन्धान गरे पनि अहिलेसम्म टुंगोमा पुग्न नसकिएको सूचना अधिकारी पन्थीले जानकारी दिए ।

प्रकाशित : मंसिर १३, २०७९ १२:३७
पूरा पढ्नुहोस्
प्रतिक्रिया
पठाउनुहोस्
×