एभरेस्ट बैंकले टाटाका विद्युतीय गाडी किन्न १२.८% ब्याजमै कर्जा दिने - बजार - कान्तिपुर समाचार
कान्तिपुर वेबसाईट
AdvertisementAdvertisement

एभरेस्ट बैंकले टाटाका विद्युतीय गाडी किन्न १२.८% ब्याजमै कर्जा दिने 

कान्तिपुर संवाददाता

काठमाडौँ — टाटाका बिजुली गाडी खरिदका लागि एभरेस्ट बैंकले १२.८० प्रतिशत ब्याजमै कर्जा दिने भएको छ । एभरेस्ट बैंक र टाटाको लागि आधिकारिक वितरक सिप्रदी ट्रेडिङबीच विद्युतीय गाडी खरिद प्रक्रियामा सहज गर्नेगरी एक सम्झौता भएको छ ।

जसअनुसार बैंकले सहज र सरल प्रक्रियाबाट कर्जा उपलब्ध गराउने छ । बैंकका शाखाबाट विद्युतीय गाडी खरिदमा ८० प्रतिशतसम्म कर्जा पाउने छन् । ७ वर्षसम्मको अवधिका लागि बिजुली गाडी खरिद गर्न कर्जा दिइने बैंकद्वारा जारी विज्ञप्तिमा उल्लेख छ । टाटा मोटर्सका हाल नेक्सन ईभी तथा टिगोर इभी बजारमा सहज उपलब्ध छन् ।


प्रकाशित : मंसिर १३, २०७९ १२:३७
प्रतिक्रिया
पठाउनुहोस्

'विकल्पबिनाको जबर्जस्ती बन्द गर'

तस्बिर : अंगद ढकाल

काठमाडौँ — स्थायी विकल्पबिना आफूहरुमाथि जबर्जस्ती गरिएको भन्दै थापाथलीस्थित वाग्मती किनारमा बस्दै आएका सुकुम्बासीले मंगलबार खबरदारी र्‍याली आयोजना गरेका छन् । बिना विकल्प उठिबास आफूहरलाई मान्य नहुने भन्दै संयुक्त राष्ट्र सुकुम्बासी मोर्चा र नेपाली महिला एकीकृत समाजले संयुक्त रुपमा प्रदर्शन गरेका हुन् । उनीहरुले विभिन्न प्लेकार्डसहितका नारा बोकेर काठमाडौं महानगर र मेयर बालेन्द्र शाहविरुद्ध नाराबाजी गरेका छन् ।

थापाथलीस्थित वाग्मती नदी किनारको सुकुम्बासी बस्तीमा १ सय ३६ छाप्रा रहेका छन् जसमा ५२ जिल्लाबाट आएका मानिसहरू डेढ दुई दशकदेखि बसिरहेका छन् । सोमबार नदी किनारको बस्ती उठाउन गएको काठमाडौं महानगरपालिका र अधिकारसम्पन्न वाग्मती सभ्यता एकीकृत विकास समितिको टोलीमाथि स्थानीयहरु जाइलागेका थिए ।


प्रकाशित : मंसिर १३, २०७९ १२:२२
पूरा पढ्नुहोस्
प्रतिक्रिया
पठाउनुहोस्
×