सनसिल्कको 'दसैं भाइब्स- २' का विजेता घोषित- बजार - कान्तिपुर समाचार

सनसिल्कको 'दसैं भाइब्स- २' का विजेता घोषित

कान्तिपुर संवाददाता

काठमाडौँ — सनसिल्कले दसैं भाइब्स–२ प्रतियोगिताका विजेता घोषणा गरेको छ । बुधबार आयोजना गरिएको सनसिल्क दसैं भाइब्स– २ को अन्तिम चरणको कार्यक्रममार्फत् विजेताका रुपमा सुमित्रा मौराती, प्रिन्सिका श्रेष्ठ  र सनिषा भट्टराई घोषित भएका हुन् ।

प्रत्येक विजेताले एक लाख रुपैयाँका दरले नगद पुरस्कार प्राप्त गरेका छन् । साथै उनीहरुले ब्राण्ड एम्बेसडर प्रिन्सी र प्रिज्मासँगै १ वर्षको लागि 'ग्याङ्ग अफ गर्ल्स' बनेर अर्को वर्ष सनसिल्कको प्याकहरुमा सुन्दर तस्वीर प्रदर्शन गर्ने अवसर पनि प्राप्त गरेका छन् ।

दसैंको अवसर पारेर आयोजना गरिएको यस डिजिटल कन्टेस्टमा प्रतियोगीहरुले आफ्नो राम्रो हेयरस्टाइल प्रदर्शन गरी सहभागी हुन सक्ने व्यवस्था थियो । अभियानलाई ६० मिलियनभन्दा बढीको भ्युज प्राप्त भएको सनसिल्कको दाबी छ । २८०० भन्दा बढी प्रतियोगीले आ–आफ्ना सुन्दर हेयर स्टाइलका प्रदर्शन गरेर अभियानमा सहभागिता जनाएका थिए । कार्यक्रममा युनिलिभर नेपालका प्रबन्ध निर्देशक अम्लान मुखर्जीले सनसिल्क नेपालको सबैभन्दा ठूलो सौन्दर्य ब्राण्ड रहेको दाबी गरे ।


प्रकाशित : मंसिर ९, २०७९ १४:०३
प्रतिक्रिया
पठाउनुहोस्

मोहत्तरी २ मा लोसपाका भण्डारी निर्वाचित

कान्तिपुर संवाददाता

काठमाडौँ — प्रतिनिधिसभा सदस्यमा महोत्तरी प्रतिनिधिसभा निर्वाचन क्षेत्र नम्बर २बाट मा लोकतान्त्रिक समाजवादी पार्टी नेपालका उम्मेदवार शरतसिंह भण्डारी विजयी भएका छन् ।

भण्डारीले २५ हजार १९० मत ल्याउँदै विजयी भएका हुन् । उनले निकटतम प्रतिद्वन्द्वी तराई-मधेश लोकतान्त्रिक पार्टीका उम्मेदवार विजयकुमार सिंहलाई १४ हजार ७० मतान्तरले पराजित गरे । पराजित सिंहले ११ हजार १२० मत ल्याएका छन् ।

भण्डारी २०३८ र २०४३ मा राष्ट्रिय पञ्चायत सदस्य निर्वाचित हुँदै २०५१ मा स्वतन्त्र उम्मेदवार तथा २०५६ मा कांग्रेसबाट प्रतिनिधिसभा सदस्य निर्वाचित भएका थिए ।

२०६४ को संविधानसभामा मधेसी जनअधिकार फोरमबाट महोत्तरी-४ बाट निर्वाचित समेत निर्वाचित भएका थिए । २०७४ को प्रतिनिधिसभा सदस्यमा उनी राजपाबाट महोत्तरी-२ बाट निर्वाचित भएका थिए ।

भण्डारी २०४५ देखि हालसम्म राज्यमन्त्रीसहित १५ पटक मन्त्री भएका छन् ।

प्रकाशित : मंसिर ९, २०७९ १३:४५
पूरा पढ्नुहोस्
प्रतिक्रिया
पठाउनुहोस्
×