सेन्साईको विश्वकप च्याम्पियन अफर, ३० हजारसम्म छुट - बजार - कान्तिपुर समाचार

सेन्साईको विश्वकप च्याम्पियन अफर, ३० हजारसम्म छुट 

कान्तिपुर संवाददाता

काठमाडौँ — सेन्साईले यो अन्तर्राष्ट्रिय फुटबल प्रतियोगितालाई लक्षित गर्दै विश्वकप च्याम्पियन नामक अफर ल्याएको छ । यस योजनाअन्तर्गत ग्राहकले सेन्साई टेलिभिजनको खरिद गर्दा ३० हजार १ सय रुपैयाँसम्मको आकर्षक नगद छुट पाउने कम्पनीले जनाएको छ ।

साथै कम्पनीका अनुसार १ भाग्यशाली ग्राहकले बम्पर उपहारअन्तर्गत ६५ इन्चको फोरके वेबओएस् टेलिभिजन पनि जित्न सक्नेछन् । ग्राहकहरुले आफूलाई बम्पर उपहारमा सहभागी गराउन सेन्साई टाईप गरी आफ्नो नाम, ठेगाना र खरिद गरिएको सामानको वारेन्टी कार्ड नम्बर लेखी ३१००३ मा एसएमएस गर्नुपर्नेछ । मंसिर १ गतेदेखि सीमित अवधिका लागि देशभर यो योजना रहेको कम्पनीले जनाएको छ । सेन्साई ब्राण्डको आधिकारिक विक्रेता चौधरी ग्रुपको सीजी इलेक्ट्रोनिक्सअन्तर्गत सीजी ईओएल रहेको छ ।


प्रकाशित : मंसिर ९, २०७९ १३:३८
प्रतिक्रिया
पठाउनुहोस्

नेपाल लाइफ इन्स्योरेन्सको १५.७८ प्रतिशत लाभांश पारित 

कान्तिपुर संवाददाता

काठमाडौँ — नेपाल लाइफ इन्स्योरेन्सको वार्षिक साधारणसभाले आर्थिक वर्ष २०७७/७८ को वितरणयोग्य मुनाफाबाट चुक्ता पुँजीको १५.७८९५ प्रतिशतका दरले हुन आउने १ अर्ब २९ करोड रुपैयाँ बराबरको नगद लाभांश (लाभांश कर समेत) दिने प्रस्ताव सर्वसम्मतिले पारित गरेको छ ।

त्यस्तै कम्पनीले आर्थिक वर्ष २०७८/७९ को लागि एसएआर एसोसिएट्सलाई लेखापरीक्षकको रुपमा पुनर्नियुक्ति गर्दै संचालक समितिले गरेको स्वतन्त्र संचालक पारुल ढकालको नियुक्तिलाई अनुमोदन गरेको छ । बिहीबार कम्पनीका सञ्चालक समितिका अध्यक्ष गोविन्दलाल संघईको अध्यक्षतामा वीरगन्जमा साधारणसभा सम्पन्न भएको हो ।

साधारणसभाबाट आर्थिक वर्ष २०७७/७८ को वार्षिक प्रतिवेदन छलफल गरी पारित भएको छ । लेखापरीक्षकको प्रतिवेदन सहित आ.व.२०७७/७८ को वासलात, नाफा–नोक्सान हिसाव र सोही अवधिको नगद प्रवाह विवरण लगायतका वित्तीय विवरण उपर छलफल गरी स्वीकृत गरिएको छ ।

कार्यक्रममा कम्पनीका प्रमुख कार्यकारी अधिकृत प्रवीण रमण पराजुलीले कम्पनीको व्यवसाय वृद्धिमा दत्तचित्तका साथ काम गरिरहेको र कम्पनीले नेपाल बीमा प्राधिकरणबाट जारी लगानी निर्देशिकाको परिधिभित्र रही दिगो तथा भरपर्दो लगानीका क्षेत्रहरुमा लगानी विस्तार तथा विविधीकरण गर्दै जाने बताए । नेपाल लाइफले २०७९ असोज मसान्तसम्ममा लगानी १ खर्ब ४९ अर्ब ७६ करोड पुगेको छ । जीवन बीमाकोषमा १ खर्ब ४२ अर्ब ९ करोड सञ्चित भएको कम्पनीले जनाएको छ ।

प्रकाशित : मंसिर ९, २०७९ १३:३०
पूरा पढ्नुहोस्
प्रतिक्रिया
पठाउनुहोस्
×