आईसीटी अवार्डको ग्राण्ड फिनाले र छनोट प्रक्रियाका सेसनहरु कान्तिपुर टीभीमा प्रसारण हुने- बजार - कान्तिपुर समाचार
कान्तिपुर वेबसाईट
AdvertisementAdvertisement

आईसीटी अवार्डको ग्राण्ड फिनाले र छनोट प्रक्रियाका सेसनहरु कान्तिपुर टीभीमा प्रसारण हुने

कान्तिपुर संवाददाता

काठमाडौँ — सूचना तथा सञ्चार प्रविधि क्षेत्रको प्रतिष्ठित ‘आइसीटी अवार्ड’को सातौं संस्करणका लागि ब्रोडकास्टिङ पार्टनरको रुपमा कान्तिपुर टेलिभिजन रहने भएको छ । मंगलबार कान्तिपुर टेलिभिजनका सीईओ शिशिर पछाई र लिभिङ विथ आईसीटीका संस्थापक राजन लम्सालबीच आईसीटी अवार्डको प्रसारण सम्बन्धमा हस्ताक्षर भएको हो ।  

कान्तिपुर टेलिभिजनले इन्फोडेभलपर्स आईसीटी अवार्डका महत्त्वपूर्ण प्रि इभेन्ट सेसनहरु प्रसारण गर्नेछ । विशेषगरी स्टार्टअप, प्रडक्ट र राइजिङ स्टार इन्नोभेसन विधाका प्रस्तुति तथा स्पिड डेटिङ र ग्राण्ड जुरी मिटिङका सेसनहरु विभिन्न ४ एपिसोडमा प्रसारण हुनेछ । यसैगरी पुस ८ गते हुने अवार्डको ग्राण्ड फिनाले टेलिभिजन र युट्युब च्यानल मार्फत प्रत्यक्ष प्रसारण हुनेछ । हस्ताक्षर कार्यक्रममा बोल्दै कान्तिपुर टेलिभिजनका सीईओ पछाईले यो सहकार्यले स्टार्टअप र आईसीटीको क्षेत्रमा थप सम्भावना र अवसरहरु सिर्जना गर्ने बताए ।

सन् २०१६ बाट सुरु भएको आईसीटी अवार्डको सातौं संस्करणमा दक्षिण एसियाली देशहरुका स्टार्टअपहरुलाई समेत समेटेर साउथ एसिया स्टार्टअप आईसीटी अवार्ड पनि आयोजना हुँदैछ । यसवर्ष विभिन्न १२ विधामा अवार्ड घोषणा हुनेछ । विभिन्न विधामा ५०० भन्दा बढीको अनलाइन नोमिनेसन र सल्लाहकार समितिको सिफारिस रहेको थियो । आईसीटी अवार्डको छनोट प्रकृयामा १३ जना विज्ञ जुरी सदस्य र १५ जना विशिष्ट सल्लाहकारहरु रहेका छन् ।

कान्तिपुर टेलिभिजनले ३ विधाका उत्कृष्ट १२ मा पर्न सफल प्रतिस्पर्धीको आइडिया तथा पिचिङ सेसनलाई मंसिर १५ गतदेखि प्रसारण गर्नेछ । आईसीटी अवार्ड २०२२ को ग्राण्ड फिनाले पुस ८ गते हुनेछ । यस कार्यक्रमको लागि राष्ट्रिय तथा अन्तर्राष्ट्रिय टेक कम्पनीहरु तथा सञ्चार तथा सूचना प्रविधि मन्त्रालय समेतको सहकार्य रहेको छ ।

प्रकाशित : मंसिर ६, २०७९ १९:१५
प्रतिक्रिया
पठाउनुहोस्

पश्चिम नवलपरासीमा राप्रपा र रास्वपाको अग्रता

कांग्रेसका विनोद चौधरी र एमालेको समर्थनमा जनता प्रगतिशील पार्टीबाट उम्मेदवारी दिएका पूर्वमन्त्री हृदयश त्रिपाठी पछाडि परेका छन् ।
नवीन पौडेल

परासी — पश्चिम नवलपरासीमा जारी मतगणनमा राष्ट्रिय प्रजातन्त्र पार्टी र राष्ट्रिय स्वतन्त्र पार्टीले अग्रता लिएका छन् । प्रतिनिधिसभा निर्वाचन क्षेत्र नं १ मा राष्ट्रिय स्वतन्त्र पार्टीका महेन्द्र सेन ठकुरीले अग्रता लिएका छन् ।


ठकुरीले नेपाली कांग्रेसका विनोद चौधरी र जनता प्रगतिशील पार्टीका अध्यक्ष हृदयश त्रिपाठीलाई पछाडि पार्दै घण्टी चुनाव चिह्नमा ७ हजार ३ सय ९१ प्राप्त गरेका छन् ।

यस्तै सत्ता गठबन्धनका उम्मेदवार विनोद चौधरीले ६ हजार ८ सय ९० मत प्राप्त गरेका छन् भने नेकपा एमालेको सर्मथनमा उम्मेदवारी दिएका हृदयश त्रिपाठीले ५ हजार ५ सय ८९ मत पाएका छन् । यस क्षेत्रमा ८४ हजार २ सय २९ मत खसेको थियो ।

सो क्षेत्रमा प्रदेशसभा (१) मा नेकपा एमाले र कांग्रेसबीच कडा प्रतिस्पर्धा देखिएको थियो । क्षेत्र नं २ मा राष्ट्रिय प्रजातन्त्र पार्टी संघ तथा प्रदेश दुवै निर्वाचन क्षेत्रमा अन्य पार्टीभन्दा फराकिलो मतान्तरले अगाडि छ ।

प्रतिनिधिसभातर्फ राप्रपाका धुव्र बहादुर प्रधान अगाडि छन् । राप्रपाले ८ हजार ३ सय ७१, कांग्रेसले ३ हजार ३ सय ३७ र एमालेका दिपेन्द्र कुमार अधिकारीले २ हजार ३ सय १५ मत प्राप्त गरेका छन् । यस्तै राष्ट्रिय स्वतन्त्र पार्टीले ९ सय ६६, जनमत पार्टीले ८ सय ७०, नागरिक उन्मुक्ति पार्टीले ८ सय ३६ मत पाएका छन् । निर्वाचन क्षेत्र नं २ को प्रतिनिधिसभा सदस्यतर्फ १७ हजार ६ सय ८७ मतगणना भएको छ भने ६ सय २० मत बदर भएको छ ।

यस्तै प्रदेशसभातर्फ निर्वाचन क्षेत्र नं २ को (१) तर्फ राष्ट्रिय प्रजातन्त्र पार्टीकै अग्रता रहेको छ । राप्रपाले ५ हजार ६ सय ३६, नागरिक उन्मुक्ति पार्टीले २ हजार ७ सय ७२, पानीको धारा चिह्नका उम्मेदवराले २ हजार ५ सय ५४, लोकतान्त्रिक समाजवादी पार्टीले २ हजार १ सय ४५, नेकपा माओवादीले १ हजार ९७ मत पाएका छन् । प्रदेशसभा २ को (१) मा १७ हजार ९ सय ३७ मत गन्दा १ हजार ४१ मत बदर भएको छ ।

प्रकाशित : मंसिर ६, २०७९ १९:१३
पूरा पढ्नुहोस्
प्रतिक्रिया
पठाउनुहोस्
x
×