सिटी एक्सप्रेसको ५ तोला सुन विजेता घोषित- बजार - कान्तिपुर समाचार
कान्तिपुर वेबसाईट
AdvertisementAdvertisement

सिटी एक्सप्रेसको ५ तोला सुन विजेता घोषित

कान्तिपुर संवाददाता

काठमाडौँ — सिटी एक्सप्रेस मनी ट्रान्सफरले ‘विदेशबाट सिटी आयो, दसैं तिहारलाई गोल्डेन बनायो’ योजना अन्तर्गत मेगा बम्पर उपहार ५ तोला सुन विजेताको नाम घोषणा गरेको छ । विद्युतीय प्रणालीद्वारा विजेता छनोट गरिएको कम्पनीले जनाएको छ । जसअनुसार साउदी अरबबाट रेमिट्यान्स पठाउने जीवन रायमाझीले ५ तोला सुन जित्न सफल भएका छन् । 

सिटी एक्सप्रेस मनी ट्रान्सफरले गत भदौ १५ गते दसैं, तिहार र छठलाई लक्षित गर्दै यो उपहार योजना घोषणा गरेको थियो । सोही योजना अन्तर्गत लक्की ड्र मार्फत हरेक महिना १ जनालाई १ तोला सुन, हरेक हप्ता १ जनालाई १० तोला चाँदी साथै ६३ दिन लगातार हरेक दिन १६ जना विजेतालाई आकर्षक गिफ्ट ह्याम्पर र अन्त्यमा एक जनालाई ५ तोला सुन उपहार प्रदान गरिने योजनामा रहेको थियो । जसअन्तर्गत १ हजार ८ जनाले दैनिक उपहार (आकर्षक गिफ्ट ह्याम्पर), ९ जनाले साप्ताहिक उपहार (१०/१० तोला चाँदी ) र २ जनाले मासिक उपहार (१/ १ तोला सुन ) जित्न सफल भइसकेको कम्पनीले जनाएको छ ।



प्रकाशित : मंसिर २, २०७९ १८:४९
प्रतिक्रिया
पठाउनुहोस्

रुपन्देहीका २ सय १३ मतदानस्थलमै तयारीका काम सुरु

अमृता अनमोल

बुटवल — रुपन्देहीका सबै मतदानस्थलमा शुक्रबारदेखि कर्मचारी खटिएका छन् । आइतबार हुने प्रतिनिधि तथा प्रदेशसभा निर्वाचनको तयारीका लागि रुपन्देहीमा मतदानस्थल तथा केन्द्र व्यवस्थापन थालिएको छ ।

रुपन्देहीमा २ सय १३ मतदानस्थल र ७ सय ७ केन्द्र तोकिएको छ । त्यसमध्ये ५ वटा मतदानस्थल अस्थायी हुन् । सबै मतदान अधिकृत तथा कर्मचारीहरू बिहानैदेखि निर्वाचन सामग्रीसहित तोकिएका स्थानमा खटिए ।

दिनभर उनीहरूले निर्वाचन सामग्री रुजु गर्ने र मतदानस्थल तथा मतदानकेन्द्रमा तारबार गर्ने काम थालेका छन् । जिल्लाका एक दर्जनभन्दा बढी मतदानस्थलमा शुक्रबार नमुना मतदान गराइएको छ । कर्मचारीहरूलाई अभ्यस्त बनाउन नमुना मतदान गराइएको जिल्ला निर्वाचन कार्यालयले जनाएको छ ।

जिल्ला सुरक्षा समितिले रुपन्देहीका ६५ मतदानस्थल र १ सय ८६ केन्द्र सुरक्षाका दृष्टिकोणले अतिसंवेदनशीलको सूचीमा राखेको छ । सीमा नजिक रहेका, निर्वाचन विरोधी समूहका गतिविधि हुने र विगतमा समस्या आएका मतदानस्थल हेरेर संवेदनशीलताको सूची वर्गीकरण गरिएको पप्रमुख जिल्ला अधिकारी भरतकुमार पाण्डेले बताए ।

रुपन्देहीमा प्रतिनिधिसभामा ५ वटा निर्वाचन क्षेत्र र प्रदेशसभामा १० निर्वाचन क्षेत्र रहेको छ । जसमा ६ लाख ३८ हजार ९ सय ५२ मतदाता छन् ।

प्रकाशित : मंसिर २, २०७९ १८:४३
पूरा पढ्नुहोस्
प्रतिक्रिया
पठाउनुहोस्
x
×