२८.१२°C काठमाडौं
अल्का अस्पतालद्धारा मधुमेहका विरामीको निःशुल्क स्वास्थ्य परीक्षण
काठमाडौँ — अल्का अस्पतालले मधुमेहका बिरामीको निःशुल्क स्वास्थ्य परीक्षण गरेको छ । विश्व मधुमेह दिवसका अवसरमा ललितपुरको जावलाखेलमा रहेको अल्का अस्पतालले आफ्नै परिसरमा विरामीहरूलाई निःशुल्क स्वास्थ्य परीक्षण गरेको हो ।
निःशुल्क स्वास्थ्य शिविरबाट ३ सयभन्दा बढी मधुमेहका विरामीको परीक्षण र औषधि वितरण गरिएको अस्पतालका प्रशासन प्रमुख भगवान केसीले जानकारी दिए । एचबीएवान सी, पीपी र फास्टिङ लगायत ल्याब टेस्ट पनि नि:शुल्क गरिएको उनले बताए । मधुमेहका विरामीलाई मात्र लक्षित सो कार्यक्रममा चिकित्कसको सिफारिस अनुसार १० दिनसम्मका लागि पुग्ने औषधिसमेत वितरण गरिएको अस्पातलको विज्ञप्तीमा छ ।
यस स्वास्थ्य परीक्षणमा सहभागी हुनेलाई दुई हप्तासम्म फलोअप गर्दा शुल्क नलाग्ने अस्पतालले जनाएको छ। त् विश्व मधुमेह दिवसका अवसरमा अस्पतालले जनचेतनामूलक र्याली पनि निकालेको थियो । अस्पताल परिसरबाट शुरु भएको र्याली पुल्चोक, मंगलबजार, लगनखेल, कुमारीपाटी, जावलाखेल हुँदै अस्पताल प्राङ्गणमा पुगेर टुंगिएको थियो ।
