हुवावेले वेबसर्फरलाई 'इन्टेलिजेन्ट' प्रविधि प्रदान गर्ने सम्झौता  - बजार - कान्तिपुर समाचार
कान्तिपुर वेबसाईट
AdvertisementAdvertisement

हुवावेले वेबसर्फरलाई 'इन्टेलिजेन्ट' प्रविधि प्रदान गर्ने सम्झौता  

कान्तिपुर संवाददाता

काठमाडौँ — इन्टरनेट सेवा प्रदायक कम्पनी वेबसर्फर र मोबाइल कम्पनी हुवावेबीच एक सम्झौता भएको छ । इन्टरनेट सेवा प्रदायक वेबसर्फरको डिजिटल रूपान्तरणको लागि हुवावेसँग सम्झौता भएको कम्पनीले जनाएको छ । यस औपचारिक सम्झौतापछि अब दुवै कम्पनीले हुवावेको प्राविधिक नेतृत्वलाई नेपाली इन्टरनेट प्रयोगकर्ताको पहुँचमा ल्याउन संयूक्त प्रयास गर्ने छन् ।

यसै वर्षदेखि वेबसर्फरलाई एण्ड–टु–एण्ड नेटवर्क सोलुसन र अप्टिकल, इन्टेलिजेन्ट प्रविधिहरू प्रदान गर्ने जिम्मेवारी हुवावेले बहन गर्ने भएको छ । हुवावेले इन्टरनेट सेवा प्रदायक वेबसर्फरलाई नेटवर्क पूर्वाधार र आर्किटेक्चरको विकासमा सहयोग गर्नेछ । साथै हुवावेले वेबसर्फरका कर्मचारीलाई आफ्नै क्षमता अभिवृद्धिका लागि प्रशिक्षण कार्यक्रम सञ्चालन गर्नेछ ।


प्रकाशित : कार्तिक २५, २०७९ १८:०४
प्रतिक्रिया
पठाउनुहोस्

फेसबुकले नेपाली प्रयोगकर्तालाई पठायो निर्वाचनबारे सूचना

कान्तिपुर संवाददाता

काठमाडौँ — मंसिर ४ को चुनावबारे फेसबुकले शुक्रबारबाट नेपाली प्रयोगकर्तालाई नोटिफिकेसन पठाउन थालेको छ । प्रयोगकर्तालाई सम्बोधन गर्दै फेसबुकले नेपालको संसदीय निर्वाचनसम्बन्धी जानकारी हेर्न र ती जानकारी सेयर गर्न लिंक पनि दिएको छ । जानकारी सेयर गर्नेहरूको संख्यासमेत उक्त नोटिफिकेसनमा देखापर्छ ।

हरेक प्रयोगकर्तालाई सम्बोधन गर्दै शुक्रबार बिहान मतपेटिकाको चित्रसहित ‘चुनाव हुने दिन मंसिर ४ हो...’ लेखिएको नोटिफिकेसन फेसबुकमा आएको थियो । त्यसको तल अङ्ग्रेजी भाषामा पनि निर्वाचनको मितिबारे जानकारी गराइएको थियो । निर्वाचनबारे जानकारी फैलाउने उद्देश्यले निर्वाचन आयोग र मेटा प्लाटफर्मबीचको सहकार्यमा उक्त नोटिफिकेसन आएको आयोगले जनाएको छ ।

नेपालको कुनै सार्वजनिक संस्था र सोसल मिडिया कम्पनीबीच पहिलो पटक सहयकार्य भएको हो । अमेरिकी कम्पनी मेटा प्लाटफर्मका प्रतिनिधिले केही दिनअघि ‘नेपाल इलेक्सन इन्टिग्रिटी समिट’ आयोजना गरी राजीतिक दल, सरकारी कर्मचारी, नागरिक समाजका प्रतिनिधि र पत्रकारहरूलाई मेटाका निर्वाचनसम्बन्धी नीति र अन्य टुलहरूबारे जानकारी दिएका थिए । नेपालको निर्वाचनलाई लक्षित गरेर सेप्टेम्बर ७ (भदौ २२) मा मेटाले ‘पोलिटिक एड ट्रान्सपरेन्सी टुल’ पनि सार्वजनिक गरेको थियो । यो टुलले फेसबुकमा विज्ञापन कसले र कहिले गरेको, कुन ठाउँबाट गरिएको र विज्ञापनमा कति पैसा खर्च गरिएको छ भन्नेबारे जानकारी दिन्छ ।

मेटाका प्लाटफर्म (फेसबुक, इन्स्टाग्राम, ह्वाट्एप) मा निर्वाचनसम्बन्धी कुनै मिथ्या सूचना वा द्वेषपूर्ण अभिव्यक्तिहरू पोस्ट भए त्यसबारे रिपोर्ट (उजुरी) गर्न मेटाका प्रतिनिधिले समिटमा आग्रह गरेका थिए । आयोगले निर्वाचनसम्बन्धी मिथ्या सूचनाहरू नियमन गर्न मेटालगायत सामाजिक सञ्जाल कम्पनीहरूसँग सहकार्य गरेको छ । योसँगै नेपालमा संवैधानिक निकायले पहिलो पटक औपचारिक रूपमै सामाजिक सञ्जालमा मिथ्या सूचना र दुष्प्रचारको समस्या सम्बोधन गर्न पहल सुरु गरेको हो ।

प्रकाशित : कार्तिक २५, २०७९ १७:५३
पूरा पढ्नुहोस्
प्रतिक्रिया
पठाउनुहोस्
×