बजाजको पल्सर एन २५० र एन १६० नेपाली बजारमा 

गोल्छा ग्रुपका डाइरेक्टर अभिमन्यु गोल्छाले ७० भन्दा बढी देशहरुमा पुगेको पल्सर विश्वव्यापी रुपमै सर्वाधिक रुचाइएको ब्रान्ड भएको दाबी गरे । ‘पल्सरले हालै सार्वजनिक गरेको २ वटा बाइकले बाइकिङ क्षेत्रको लागि फेरि नयाँपन खडा गर्नेछ’ उनले भने ।

कस्ता छन् बाइक ?

पल्सर एन २५० : मोडर्न एरो डाइनामिक डिजाइन र सार्प युनिबडी जेस्चर भएको पल्सर एन २५० हेर्दा आकर्षक देखिन्छ । नयाँ प्रिमियम मेटालिक कलरले पनि बाइकको स्कल्प्चरल प्युरिटीलाई हाइलाइट गरेको छ । इन्जिन कभरमा प्रयोग गरिएको डिप कपरले यसलाई झनै आकर्षक देखाएको छ । २५० सीसीको डीटीएसआई ओयल कोल्ड इन्जिनले २४५ पीएसको स्मुथ पावर र २१५ एनएमको टर्क उत्सर्जन गर्दछ । यसको निम्बल फुटेड ह्यान्ड्लिङ र सुविधाजनक मिड रेन्जले हरेक दिनको बाइक राइड सजिलो बनाउने कम्पनीको दावी छ । नेपाली बजारमा यो बाइकको मूल्य ४ लाख ८९ हजार ९ सय रुपैयाँ तोकिएको छ ।

पल्सर एन १६० : पल्सर २५० कै प्ल्याटफर्म प्रयोग गरेर बनाइएको एन १६० मा डुअल च्यानल एबीएस सिस्टम प्रयोग गरिएको छ, जुन यो भन्दा अगाडिको मोडलहरुमा प्रयोग गरिएको थिएन । साथै यसमा १६५ सीसी बीएस ६ इन्जिन, एलईडी प्रोजेक्टर हेड्ल्याम्प रहेका छन् । यसमा बीएसभीआई कम्प्लायन्ट १६५ सीसीको इन्जिन प्रयोग गरिएको छ ।

यसले ८७५० आरपीएममा १६ पीएसको पावर र ६७५० को आरपीएममा १४.६५ एनएमको टर्क निकाल्न सक्छ । सुधारिएको पिकअपको लागि ८५ प्रतिशतसम्म पिक टर्क उपलब्ध रहेको कम्पनीले दावी गरेको छ । यसले ४ भल्भ इन्जिन भएको पल्सर एनएस १६० सीसीभन्दा १.२ बीएचपी कम पावर निकाल्छ । यसमा ५ स्पिडको गियर बक्स छ । पल्सर एन २५० कै जस्तै फुएल ट्यान्क एक्स्टेन्सन, स्प्लिट सिट, एलोइ व्हिल र टेल लाइट राखिएको छ । नेपाली बजारमा यो बाइकको मूल्य ३ लाख ७९ हजार ९ सय रुपैयाँ तोकिएको छ ।