प्रभु क्यापिटल र क्वेस्ट ईन्टरनेशनलबीच सम्झौता- बजार - कान्तिपुर समाचार
कान्तिपुर वेबसाईट
AdvertisementAdvertisement

प्रभु क्यापिटल र क्वेस्ट ईन्टरनेशनलबीच सम्झौता

कान्तिपुर संवाददाता

काठमाडौँ — प्रभु क्यापिटल लिमिटेड र क्वेस्ट ईन्टरनेशनल कलेजबीच सम्झौता भएको छ । सम्झौतामा प्रभु क्यापिटलका प्रबन्ध निर्देशक दिनेश थकाली र क्वेस्ट ईन्टरनेशनलका बीबीए निर्देशक ज्योती शेरचनले हस्ताक्षर गरेकी हुन् । 

देशमा दक्ष व्यवस्थापकीय क्षमता भएका जनशक्ति उत्पादन गर्ने तथा विद्यार्थीहरूलाई वित्त तथा व्यवस्थापनको क्षेत्रमा व्यवहारिक शिक्षा प्रदान गर्ने लगायतका विषयमा सहकार्य गर्ने गरी समझदारी पत्रमा सम्झौता भएको हो । सम्झौता अनुसार प्रभुले बीबीए तहमा अध्ययनरत विद्यार्थीहरूलाई प्रोत्साहन गर्ने हेतुले शेयर बजारसम्बन्धी तालिम दिने तथा विभिन्न सेवामा सहुलियत दिने विज्ञप्तीमा भनिएको छ । कलेजले प्रभु क्यापिटलको अनुसन्धान तथा विश्लेषण कार्यमा मद्दत पुग्ने लगायतका विषय समेटेर उक्त कलेजका व्यवस्थापन विभागका फ्याकेल्टी मेम्बर तथा विद्यार्थीहरूसँग सहकार्य गर्ने सम्झौतामा उल्लेख छ ।

प्रकाशित : आश्विन १३, २०७९ २०:१७
प्रतिक्रिया
पठाउनुहोस्

क्यूआर कोड स्क्यान गर्दा खानाका रेसीपी

कान्तिपुर संवाददाता

काठमाडौँ — कोका–कोला नेपालले दसैंलाई लक्षित गरेर मास्टर सेफ विजेता सन्तोष शाहसँगकाे सहयकार्यमा दसैंं विशेष ५ वटा रेसीपी तयार गरेको छ । कोका–कोला बोतलको लेबलमा भएको क्यूआर कोड स्क्यान गरेर यी रेसीपी भिडियोहरू हेर्न सकिने छ । 

खसीको पक्कु, आलु–कटहरको अचार, मालपुवा र भरेको पर्वल, सेल रोटीजस्ता दसैंका विशेष परिकारहरू बनाउने तरिका रेसीपीमा समावेश गरिएको छ । कोका–कोला नेपालको फेसबुक र इन्स्टाग्राम पेजमा समेत यी रेसीपी भिडियोहरू उपलब्ध हुनेछन् । उपभोक्ताहरूले आफूले बनाएको परिकारको भिडियो कोका–कोला नेपाल र सेफ शाहलाई ट्याग गरेर आफ्नो सामाजिक सञ्जालमा राख्नेमध्ये ३ जना विजेताले शाहसँग भेट्ने मौका पनि पाउने भनिएको छ । सेफ शाहले दसैंमा खाइने यी परिकारका रेसीपीमा आफ्ना छुट्टै मरमसलाका सामग्रीहरू थपेको बताएका छन् । नेपालका कन्ट्री डाइरेक्टर आदर्श अवस्थीले मास्टर सेफ शाहसँग मिलेर दसैं विशेष परिकारहरूको रेसीपी प्रदान गर्न पाउँदा उत्साहित भएको बताए ।

प्रकाशित : आश्विन १३, २०७९ २०:१६
पूरा पढ्नुहोस्
प्रतिक्रिया
पठाउनुहोस्
×