राष्ट्रिय वाणिज्य बैंकको नयाँ शाखा मुसिकोटमा- बजार - कान्तिपुर समाचार
कान्तिपुर वेबसाईट
AdvertisementAdvertisement

राष्ट्रिय वाणिज्य बैंकको नयाँ शाखा मुसिकोटमा

कान्तिपुर संवाददाता

काठमाडौँ — राष्ट्रिय वाणिज्य बैंक लिमिटेडको २६२औं शाखा कार्यालय पश्चिम रुकुमको मुसिकोटमा स्थापना भएको छ । बैंक सञ्चालक समितिका सदस्य दिलिपकुमार ढुङ्गाना र प्रमुख कार्यकारी अधिकृत किरणकुमार श्रेष्ठले उक्त शाखाको उद्घाटन गरेका थिए ।

उक्त अवसरमा बैंक सञ्चालक समितिका सदस्य ढुङ्गानाले नेपाल सरकारको स्थानीय तहमा बैंकिङ पहुँच पुर्‍याउने उदेश्यले शाखा विस्तार गरेको बताएका थिए । यसले पालिकाको समग्र विकासमा महत्वपूर्ण भूमिका खेल्ने बताए । बैंकले ७७ वटै जिल्ला सदरमुकाममा प्राथमिकताका साथ शाखा स्थापना गरी वित्तीय पहुँच विस्तार गरिरहेको बैंकका प्रमुख कार्यकारी अधिकृत श्रेष्ठले बताए । बैंकको हाल सातै प्रदेश, ७७ जिल्लामा २६२ वटा शाखा कार्यालय, २६८ वटा एटीएम र ९९ वटा शाखारहित बैंकिङ सेवा सञ्चालनमा छन् ।

प्रकाशित : आश्विन १३, २०७९ २०:१३
प्रतिक्रिया
पठाउनुहोस्

आईएफसीको क्लाइमेट स्मार्ट ट्रेड फाइनान्स सुविधा नेपालमा

कान्तिपुर संवाददाता

काठमाडौँ — ग्लोबल आइएमई बैंक लिमिटेडले क्लाइमेट स्मार्ट ट्रेड फाइनान्स लाइन सुविधा दिने भएको छ । विश्व बैंक समूहको सदस्य आईएफसीले ग्रीन ग्लोबल ट्रेड फाइनान्स प्रोग्राम (जीटीएफपी) अन्तर्गत नेपालस्थित ग्लोबल बैंकमा विस्तार गर्ने भएको हो ।

ग्लोबल आइएमई बैंकका प्रमुख कार्यकारी अधिकृत रत्नराज वज्राचार्य र आईएफसीका दक्षिण एशिया क्षेत्रीय प्रबन्धक जुन योङ्ग पार्कले बुधबार एक कार्यक्रममा सम्झौतापत्रमा हस्ताक्षर गरेका हुन् । यस परियोजनाले बैंकको बढ्दो व्यापार व्यवसायमा माग र आपूर्तिबीचको अन्तरलाई सम्बोधन गर्न मद्दत गर्ने बैंकले जनाएको छ । नेपालमा जलवायु अनुकूल व्यवसाय विस्तारका लागि सहयोगी बन्ने बैंकका अध्यक्ष चन्द्रप्रसाद ढकालले बताए ।जीटीएफपीको सहयोगले बैंकको कर्जा माग र आपूर्तिको खाडललाई सम्बोधन गर्न मद्दत पुग्ने नेपालका लागि आईएफसीका आवासीय प्रतिनिधि बाबाकर एस फायले बताए ।

प्रकाशित : आश्विन १३, २०७९ २०:१२
पूरा पढ्नुहोस्
प्रतिक्रिया
पठाउनुहोस्
×