आईएफसीको क्लाइमेट स्मार्ट ट्रेड फाइनान्स सुविधा नेपालमा- बजार - कान्तिपुर समाचार
कान्तिपुर वेबसाईट
AdvertisementAdvertisement

आईएफसीको क्लाइमेट स्मार्ट ट्रेड फाइनान्स सुविधा नेपालमा

कान्तिपुर संवाददाता

काठमाडौँ — ग्लोबल आइएमई बैंक लिमिटेडले क्लाइमेट स्मार्ट ट्रेड फाइनान्स लाइन सुविधा दिने भएको छ । विश्व बैंक समूहको सदस्य आईएफसीले ग्रीन ग्लोबल ट्रेड फाइनान्स प्रोग्राम (जीटीएफपी) अन्तर्गत नेपालस्थित ग्लोबल बैंकमा विस्तार गर्ने भएको हो ।

ग्लोबल आइएमई बैंकका प्रमुख कार्यकारी अधिकृत रत्नराज वज्राचार्य र आईएफसीका दक्षिण एशिया क्षेत्रीय प्रबन्धक जुन योङ्ग पार्कले बुधबार एक कार्यक्रममा सम्झौतापत्रमा हस्ताक्षर गरेका हुन् । यस परियोजनाले बैंकको बढ्दो व्यापार व्यवसायमा माग र आपूर्तिबीचको अन्तरलाई सम्बोधन गर्न मद्दत गर्ने बैंकले जनाएको छ । नेपालमा जलवायु अनुकूल व्यवसाय विस्तारका लागि सहयोगी बन्ने बैंकका अध्यक्ष चन्द्रप्रसाद ढकालले बताए ।जीटीएफपीको सहयोगले बैंकको कर्जा माग र आपूर्तिको खाडललाई सम्बोधन गर्न मद्दत पुग्ने नेपालका लागि आईएफसीका आवासीय प्रतिनिधि बाबाकर एस फायले बताए ।

प्रकाशित : आश्विन १३, २०७९ २०:१२
प्रतिक्रिया
पठाउनुहोस्

ईसेवाको ‘दसैंको उमङ्ग, डिजिटल सपिङसँग’ योजना

कान्तिपुर संवाददाता

काठमाडौँ — ईसेवाले दसैंको उपलक्ष्यमा ‘दसैंको उमङ्ग, डिजिटल सपिङसँग’ योजना सार्वजनिक गरेको छ । आम मानिसलाई अनलाइबाट कारोबार गर्न सहज होस् भन्ने उद्देश्यले यो योजना सार्वजनिक गरेको ईसेवाले जनाएको छ । यो योजना असोज १० देखि असोज २४ गतेसम्म सञ्चालन हुनेछ । 

यस स्किममा भाग लिएर विभिन्न उपहार प्राप्त गर्न सकिने ईसेवाले जनाएको छ । ‘ईसेवा दसैं स्पेशलमा गई रु १ मा भाग लिँदा एकजना भाग्यशाली विजेताले काठमाडौंदेखि नयाँ दिल्लीसम्मको हवाइ टिकट प्राप्त गर्न सक्नेछन्,’ विज्ञप्तीमा उल्लेख छ, ‘रु १ मै दुईजना भाग्यशाली विजेताले रियलमी नाइन आई फाइभ जी मोबाईल प्राप्त गर्न सक्नेछन् ।’

अफरमा सहभागी भइ विजेता बन्न नसकेका व्यक्तिहरूको एक रुपैयाँ फिर्ता हुने ईसेवाले जनाएको छ । प्रयोगकर्ताले ईसेवामा दसैं अफर सेग्मेन्टमा गई विभिन्न छुटहरू लिन सक्नेछन् । ईसेवामार्फत क्यूआर गर्दा गोकर्ण रिसोर्टमा ५ प्रतिशत, क्लब हिमालयमा १० प्रतिशत, हाम्रो श्रृंगारमा ५ प्रतिशत, टीएस आरमोराईमा २० प्रतिशत छुट पाइनेछ ।

प्रकाशित : आश्विन १३, २०७९ २०:१०
पूरा पढ्नुहोस्
प्रतिक्रिया
पठाउनुहोस्
×