एभरेष्ट बैंकले सुरू गर्‍यो ई–पैँचो फोन लोन सुविधा- बजार - कान्तिपुर समाचार
कान्तिपुर वेबसाईट
AdvertisementAdvertisement

एभरेष्ट बैंकले सुरू गर्‍यो ई–पैँचो फोन लोन सुविधा

कान्तिपुर संवाददाता

काठमाडौँ — एभरेष्ट बैंकले ‘ई–पैँचो फोन लोन’ सुविधा सुरू गरेको छ । बैंकले योग्य मानेका ग्राहकहरूले मोबाइल एप ‘इबीएल टच २४’ मार्फत बिनाधितो २ लाख रुपैयाँसम्म कर्जा प्राप्त गर्न सक्नेछन् ।

ई–पैँचो फोन लोनमार्फत लिएको कर्जा एक महिनाभित्र वा ३, ६, ९ अथवा १२ महिनासम्ममा किस्ताबन्दीमा चुक्ता गर्न सकिने बैंकले जनाएको छ । बैंकबाट गरिएका कारोबार, बैंकमा तलब खाता खोलेको छ/छैन, ऋण बक्यौता छ/छैन लगायत विवरण हेरेर कर्जा दिइन्छ । आफूले लिएको कर्जा चाँडै तिर्न चाहने ग्राहकका लागि ऋणको बक्यौतासहित पूर्व भुक्तानीको विकल्प पनि उपलब्ध रहेको विज्ञप्तीमा भनिएको छ ।

बैंकका अनुसार ई–पैँचो फोन लोनका लागि कुनै पनि फोनपे मर्चेन्टमा क्यूआर भुक्तानी गर्दा ‘बाई नाउ पे लेटर’ सुविधा प्रयोग गर्न सक्नेछन् । फोन लोन सेवा प्रयोग गर्न ग्राहकले प्रमाणित इमेल ठेगाना राखेर ई–पैँचो फोन लोनको अनलाइन फारम भर्नुपर्छ । बैंकको एपमा रहेको ई–पैँचो फोन लोन आइकनमा थिचेर इमेल प्रमाणिकरण गरेपछि ग्राहकले तुरुन्तै बिनाधितो कर्जा लिन सक्नेछन् ।

प्रकाशित : आश्विन ८, २०७९ ११:४४
प्रतिक्रिया
पठाउनुहोस्

चुनावको नाममा केन्द्रको विकृति प्रदेश र स्थानीय तहमा लिएर गयौं : उपमहासचिव पुन

कान्तिपुर संवाददाता

काठमाडौँ — माओवादी केन्द्रका उपमहासचिव वर्षमान पुनले चुनाव लड्ने क्रममा केन्द्रको विकृति प्रदेश र प्रदेशको विकृति स्थानीय तहमा लैजाने गरिएको बताएका छन् । शनिबार विराटनगरमा कान्तिपुर मिडिया ग्रुपले आयोजना गरेको उज्यालो पूर्व कार्यक्रममा बोल्दै पुनले नेपाली समाज 'सामन्ती' भएकोले यसलाई पुनर्संरचना गर्न आवश्यक रहेको बताए ।  

‘हामी केन्द्रकै नेता प्रदेशमा चुनाव लड्ने, प्रदेशका नेता स्थानीय तहमा जाने गरेका छौं । राम्रो गर्ने, राम्रो प्रतिस्पर्धा गर्ने भन्दाभन्दै केन्द्रको विकृति लिएर जाने गरेका छौ,’ पुनले भने, ‘केन्द्रका केही न केही विकृति, नराम्रा कामहरु लिएर आउने गरेका छौं । समाजका सबै क्षेत्रहरुमा यस्तो भइरहेको छ ।’

पूर्व अर्थमन्त्री समेत रहेका पुनले प्रादेशिक तहका बहस/अन्तर्क्रिया आवश्यक रहेको बताए । प्रदेश १ कृषि र उद्योगमा अब्बल रहेको बताउँदै उनले अझै सम्भावना रहेको बताए । ‘प्रदेश १ र राष्ट्रिय आँकडा तुलना गरेर हेर्दा कूल ग्राहस्थ उत्पादन ४८ खर्ब ५१ अर्ब पुगेछ । प्रदेश १ को योगदान १५.७ प्रतिशत छ । वाग्मती पछि धेरै योगदान प्रदेश १ कै छ, खासगरी कृषिको क्षेत्रमा पहिलो नम्बरमा छ,’ उनले भने, ‘यद्यपी, कृषिको योगदान करिब २३ प्रतिशत हाराहारीमा योगदान छ । अदुवा, चिया, धान, मकै उत्पादनमा अग्र स्थानमा छ । अझै सम्भावना पनि छ ।’

प्रकाशित : आश्विन ८, २०७९ ११:४१
पूरा पढ्नुहोस्
प्रतिक्रिया
पठाउनुहोस्
×