एलजी टिभीको एसेम्बल प्लान्ट नेपालमा- बजार - कान्तिपुर समाचार
कान्तिपुर वेबसाईट
AdvertisementAdvertisement

एलजी टिभीको एसेम्बल प्लान्ट नेपालमा

कान्तिपुर संवाददाता

काठमाडौँ — एलजी ईलेक्ट्रोनिक्स, सिंगापुरका प्रबन्ध निर्देशक सुन्घो चुनले चौधरी ग्रुपसँगको सहकार्यमा काठमाडौँमा स्थापना भएका एलजीको टिभी एसेम्बल प्लान्ट उद्घाटन गरेका छन् । अब एलजीका होम र इन्टरटेनमेन्ट एप्लाएन्स नेपालमै एसेम्बल र उत्पादन हुने भएका छन् ।

यसले नेपाली ग्राहकहरूका लागि कम लागतमा बढी उपयोगिताको प्रत्याभूति गराउने अपेक्षा गरिएको छ । नेपालमा एसेम्बल गरिएका उत्पादनहरूको गुणस्तर एलजीको मापदण्डअनुसार कायम राख्नका लागि एलजी ईलेक्ट्रोनिक्स इंकका प्राविधिक विशेषज्ञहरूको टोलीले नेपाली ईन्जिनियरिङ टोलीलाई निरन्तर पर्यवेक्षण र सहयोग गर्दै आएको विज्ञप्तीमा उल्लेख छ ।

‘विश्वभर गुणस्तरीय उत्पादन र सेवाका लागि प्रसिद्ध एलजीका उत्पादनहरू नेपालमा पनि व्यापक रूपमा रुचाइएको छ,’ चुनले भनेका छन्, ‘नेपालका लागि एलजीको नयाँ एसेम्बल प्लान्टले एलजीका उत्पादनलाई थप किफायती बनाउने अपेक्षा गरेको छु ।

एलजी ईलेक्ट्रोनिक्स इंक र चौधरी ग्रुपको दीर्घकालीन सहकार्यको घोषणाले नेपालमा थप प्रत्यक्ष विदेशी लगानी ल्याउन मद्दत पुग्ने चौधरी ग्रुपका प्रबन्ध निर्देशक निर्वाण चौधरीले बताए । हालसम्म नेपालमा एलजीका ८ वटा यस्ता शोरुम छन् ।

प्रकाशित : आश्विन ६, २०७९ १८:१५
प्रतिक्रिया
पठाउनुहोस्

जाजरकोटमा पेस्तोलसहित १ जना पक्राउ 

कान्तिपुर संवाददाता

जाजरकोट — जिल्लाको नलगाड नगरपालिका ५ ऐरारी निवासी ईन्द्रबहादुर शाहीलाई प्रहरीले पेस्तोल र विस्फोटक पदार्थसहित पक्राउ गरेको छ । 

वारेकोट र नलगाडका विभिन्न व्यापारीहरुसँग हतियार देखाएर चन्दा असुली गर्ने कार्यमा संलग्न रहेको आरोपमा शाही बुधबार नलगाड नगरपालिका ५ स्थित सिर्के बजारबाट पक्राउ परेको जिल्ला प्रहरी कार्यालयले जनाएको छ । उनको साथबाट नं २ एमएम ९ राउन्ड, मेड ईन यूएसए लेखेको पेस्तोल एचजीटीफोर लेखिएको तयारी अवस्थामा रहेको प्लास्टिक हेण्ड ग्रिनेट थान १ समेत बरामद भएको छ ।

लामो समयदेखि नेत्रविक्रम चन्द नेतृत्वक नेकपा रहेका शाहीलाई जिल्ला अदालत जाजरकोटबाट सात दिनको म्याद थपी अनुसन्धान थालिएको प्रहरीले जनाएको छ ।

प्रकाशित : आश्विन ६, २०७९ १७:५९
पूरा पढ्नुहोस्
प्रतिक्रिया
पठाउनुहोस्
×