सुर्खेत पुग्यो महिन्द्राको इलेक्ट्रिक थ्री–ह्विलर

महिन्द्रा समूहको एक हिस्सा महिन्द्रा इलेक्ट्रिक मोबिलिटी लिमिटेडले ट्रियो नामक लिथियम–आइओन सञ्चालित इलेक्ट्रिक थ्री–ह्विलरलाई सुर्खेतको वीरेन्द्रनगरमा पनि सार्वजनिक गरेको छ । यसले चितवन, हेटौंडा, धनगढी, जनकपुरधाम आदि स्थानमा सर्वसाधारणको मन जितेको कम्पनीको दाबी छ । यो सवारी भारतको बेंगलुरुस्थित महिन्द्राको फ्याक्ट्रीमा निर्माण भइरहेको छ । महिन्द्राको अधिकृत ईभी वितरक अग्नि इनर्जीले नेपालका विभिन्न ठाउँमा ट्रियो बिक्री गर्दै आएको छ । आकर्षक सेट, शून्य प्रदूषण र इच्छाइएका गुणका साथ आएको ट्रिओले नेपालमा कार्यक्षमताका साथै किफायतका लागि नयाँ मानक निर्धारण गर्ने उनको दाबी छ ।