क्यूएफएक्स मुभी टिकेट अब खल्ती एपबाट किन्न सकिने

यसअघि क्यूएफएक्सकै वेबसाइट लगइन गरी वा क्यूएफएक्सको एपबाट मात्र खरिद गर्न सकिन्थ्यो भने यो सम्झौतापछि क्यूएफएक्सका ग्राहक र खल्ती प्रयोगकर्ताले सिधै खल्ती एपमार्फत मुभी टिकट खरिद गर्न सक्नेछन् । साथै क्यूएफएक्सको एप/वेब बाट पनि टिकट खरिद गरी खल्तीबाट भुक्तानी गर्न सकिनेछ । भदौ १ गतेदेखि लागू भएको यो सुविधासँगै क्यूएफएक्सका ग्राहक र खल्ती प्रयोगकर्ताले टिकट खरिद गरेर क्यूएफएक्सको लोयल्टी पोइन्टस् र खल्ती पोइन्टस् पनि प्राप्त गर्नेछन् ।

यस सहकार्यपछि आगामी ३ वर्षका लागि क्यूएफएक्स सिनेमाको भुक्तानी साझेदारका रुपमा खल्ती स्थापित भएको छ । खल्ती एपभित्र गई आफूले हेर्न चाहेको मुभी, उपलब्ध क्यूएफएक्स हल, समय र सिट सजिलै केही ट्यापमै छनोट गर्न सकिनेछ र आफ्नो टिकट खरिद पश्चात क्यूएफएक्सको गोजी लोयल्टी पोइन्ट्स र खल्ती पोइन्ट्स पनि प्राप्त हुनेछ । साथै खल्तीमा आफ्नो बैंक लिंक गरी प्रयोगकर्ताले खल्ती लोड नगरी सिधै बैंक खाताबाटै भुक्तानी प्रक्रिया पुरा गर्न सक्नेछन् ।