नाडा ईभी एक्स्पोका लागि स्टल बुकिङ खुला
काठमाडौँ — भृकुटीमण्डपमा असोज ६ देखि ९ गतेसम्म हुने ‘नाडा ईभी एक्स्पो २०२२’ का लागि बुकिङ खुला गरिएको छ । एक्स्पोका लागि बुधबारदेखि भदौ ५ सम्मका लागि स्टल बुकिङ खुला गरिएको नाडा ईभी एक्स्पो समितिका सभापति अनुप बरालले बताए ।
नाडा अटोमोबाइल्स एसोसिएसन अफ नेपालले दसैंलाई मध्यनजर गर्दै एक्स्पो आयोजना गर्न लागेको हो ।सरकारले कार, जीप र भ्यानको आयातमा लगाएको प्रतिबन्ध २०७९ को भदौ १४ गतेसम्मको लागि लम्ब्याएपछि नाडाले अटो एक्स्पोको साटो ईभी एक्स्पो गर्न लागेको हो । नाडाले सन् १९९८ देखि नाडा अटो एक्स्पो गर्दै आएको थियो ।
प्रकाशित : भाद्र २, २०७९ १३:२६