एनएमबीका ग्राहकले बुद्ध र यती एयरमा क्यासब्याक पाउने- बजार - कान्तिपुर समाचार

एनएमबीका ग्राहकले बुद्ध र यती एयरमा क्यासब्याक पाउने

कान्तिपुर संवाददाता

काठमाडौँ — एनएमबी बैंकका ग्राहकले अब बुद्ध एयर र यती एयरको टिकट खरिदमा क्यासब्याक पाउने भएका छन् । बुद्ध र यतीको एप तथा वेबबाट एनएमबी बैंकको डेबिट वा क्रेडिट कार्ड प्रयोग गरी टिकट खरिद गर्दा प्रत्येक टिकटमा क्रमश: ३५० र ५०० रुपैयाँ क्यासब्याक पाउने एनएमबीले जनाएको छ ।

क्यासब्याक सुविधाको लागि ग्राहकले आफ्नो एनएमबी कार्डहरूमा ई–कमर्स सक्रिय गर्नु पर्ने छ । यो सुविधा सीमित अवधिको लागि मात्र उपलब्ध रहने बैंकले जनाएको छ । बैंकले सेवा अभिवृद्धि गर्ने क्रममा विभिन्न सुविधाहरु ग्राहकलाई प्रदान गर्दै आएको छ । बैंकका हाल देशभर २०१ शाखा, १३८ एटीएम तथा ११ एक्सटेन्सन काउन्टर सञ्चालनमा छन् ।


प्रकाशित : भाद्र १, २०७९ १८:०७
प्रतिक्रिया
पठाउनुहोस्

जुम्लामा चट्याङ लागेर १२ वटा गोरु र एउटा गाई मरे

डीबी बुढा

जुम्ला — जुम्लामा चट्याङ लागेर १२ वटा गोरु मरेका छन् । कनकासुन्दरी गाउँपालिका १ मा चट्याङ लागेर १२ वटा गोरु र एउटा गाई मरेको वडाध्यक्ष भिमबहादुर भण्डारीले जानकारी दिए । 

मर्फानको डोरपाटनमा गाईबस्तु चराउन लगेको बेला चट्याङ लागेर १२ वटा गोरु र एउटा गाई मेरका हुन् ।

वडाध्यक्ष भिमबहादुर भण्डारीका अनुसार २७ गते राति पाटनमा वर्षा भइरहेको समयमा ओडार नजिकै ओत लागेको बेला चट्याङ लागेर गाई-गोरु मरेका हुन् । ९ जना किसानका गोरु र गाई मेरको वडाध्यक्ष भण्डारीले बताए ।

चट्याङ लागेर मरेका गाई-गोरुको स्थलगत अनुगमन तथा प्रहरी मुचुल्कासमेत भइसकेको छ । पशु अस्पताल तथा पशुसेवा कार्यालय जुम्लाले घटनाको मुचुल्का भइसकेको र आवश्यक कागजातहरु जिल्लामा मगाएको बताइएको छ । कार्यालय प्रमुख गोविन्दबहादुर महतले प्रहरी मुचुल्का र प्रमाणको आधारमा किसानलाई राहत प्रदान गर्ने तयारी भइरहेको जनाए ।

प्रकाशित : भाद्र १, २०७९ १८:०६
पूरा पढ्नुहोस्
प्रतिक्रिया
पठाउनुहोस्
x
×