गरिमा क्यापिटलको सीईओमा निर्मल भट्टराई 

उनले भारतबाट चार्टर्ड एकाउन्टेन्सी (सीए) अध्ययन गरेका छन् । स्थापनाकालदेखि नै विभिन्न ओहदामा रहेर कार्यसम्पादन गर्दै आएका उनी यसअघि क्यापिटलको निमित्त प्रमुख कार्यकारी अधिकृतका रूपमा रहेका थिए । गरिमा क्यापिटल नेपाल धितोपत्र बोर्डबाट अनुमतिपत्र प्राप्त मर्चेन्ट बैंकर हो । यस संस्थाले हाल लगानी व्यवस्थापन सेवा, निक्षेप सदस्य सेवा प्रवाह गर्दै आएकोमा निकट भविष्यमा नै आवश्यक अनुमतिपत्र प्राप्त गरी मर्चेन्ट बैंकरले प्रदान गर्न सक्ने अन्य सम्पूर्ण सेवाहरु प्रदान गर्ने लक्ष्य लिएको छ ।