हिमालयन बैंक र अमेरिकन एक्स्प्रेसले ल्याए दुई नयाँ कार्ड - बजार - कान्तिपुर समाचार
कान्तिपुर वेबसाईट
AdvertisementAdvertisement

हिमालयन बैंक र अमेरिकन एक्स्प्रेसले ल्याए दुई नयाँ कार्ड 

कान्तिपुर संवाददाता

काठमाडौँ — हिमालयन बैंक र अमेरिकन एक्स्प्रेसले नेपालमा संयूक्त रुपमा दुई प्रकारका कार्ड सञ्चालनमा ल्याएका छन् ।  हिमालयन बैंक –अमेरिकन एक्स्प्रेस क्रेडिट कार्ड र हिमालयन बैंक–अमेरिकन एक्स्प्रेस प्रिपेड कार्ड गरी दुई किसिमका कार्डहरु संचालनमा ल्याइएको हो ।

यो क्रेडिट कार्ड विशेष गरी विभिन्न क्षेत्रमा भ्रमण गर्ने तथा विभिन्न सरसमानहरु खरिद गर्ने खरिदकर्ताका लागि उपयुक्त रहेको बैंकले जनाएको छ । त्यस्तै प्रिपेड कार्ड उच्च शिक्षा अध्ययनका लागि विदेश जाने विद्यार्थी तथा अन्य यात्रीहरुका लक्षित छ । प्रयोगकर्ताले ती कार्डबाट भुक्तानी गर्दा विभिन्न लाभ, छुटहरु पनि पाउने बैंकको भनाइ छ ।

हिमालयन बैंकका प्रमुख कार्यकारी अधिकृत अशोक शम्शेर राणाले ती कार्डबाट विभिन्न मुलुक भ्रमण गर्नेलाई सुविधा हुने बताए । अमेरिकन एक्स्प्रेस दक्षिण एसियाका भाइस प्रेसिडेन्ट तथा व्यापार प्रमुख, नेटवर्क पार्टनरसिप दिव्या जैनले दुबै कार्डहरुले प्रयोगकर्ताहरुलाई समग्रमा यात्रा तथा विभिन्न सामानहरु खरिदमा उच्चतम लाभ हुने बताए ।

यो क्रेडिट कार्डका प्रयोगकर्ताले कार्डको माध्यमबाट अनलाइन भुक्तानी लगायत स्थानीय कारोबार गरे बापत ०.५० प्रतिशत वा बढीमा ३ हजार रुपैयाँसम्म प्रतिवर्ष नगद फिर्ता (क्यास ब्याक) प्राप्त गर्न सक्ने बैंकले जनाएको छ । विदेश भ्रमण र उच्च शिक्षा हासिल गर्न विदेश जाने विद्यार्थीहरुले प्रिपेड कार्डमार्फत अनलाइन भुक्तानी तथा स्थानीय कारोबार गरे बापत ०.५० प्रतिशत वा बढीमा २ हजार ५ सय रुपैयाँ प्रति वर्ष नगद फिर्ता पाउने बैंकले जानकारी दिएको छ । बैंकका अनुसार क्रेडिट कार्डका प्रयोगकर्ताले क्लब हिमालयमा कम्तिमा २ रातको बुकिङ्ग गर्दा १ रात नि:शुल्क सेवा पाउने, युनाइटेड कलर्स अफ बेनेटनमा सामान खरिद गर्दा १० प्रतिशत छुट, स्पोर्टस् प्लाजाका सम्पूर्ण सामानहरुमा १५ प्रतिशत छुट, मिसियोमा ३३ प्रतिशत छुट र एपिक माउन्टेन बाइकस्‌मा १० प्रतिशत सम्मका छुट प्राप्त गर्न सक्ने छन् ।


प्रकाशित : श्रावण २५, २०७९ १९:४०
प्रतिक्रिया
पठाउनुहोस्

नेपाल बैंक र त्रिवि व्यवस्थापन विभागले अनुसन्धानमा सहकार्य गर्ने

कान्तिपुर संवाददाता

काठमाडौँ — नेपाल बैंक र  त्रिभुवन विश्वविद्यालय  व्यवस्थापन केन्द्रीय विभागबीच अनुसन्धानात्मक कार्यमा सहकार्य गर्ने सम्बन्धमा सम्झौता भएको छ । सो सम्झौतापत्रमा त्रिभुवन विश्वविद्यालय केन्द्रीय व्यवस्थापन विभागका निमित्त विभागीय प्रमुख सह–प्राध्यापक नवराज अधिकारी र बैंकका तर्फबाट सहायक प्रमुख कार्यकारी अधिकृत होमबहादुर खड्काले हस्ताक्षर गरे । 

उक्त सम्झौता अनुसार त्रिभुवन विश्वविद्यालय व्यवस्थापन केन्द्रीय विभागमा अध्ययनरत् विद्यार्थीहरुले नेपाल बैंकमा इन्टर्नसिप गर्न पाउनेछन् । सो विभागका विद्यार्थी र प्राध्यापकहरुमार्फत नेपाल बैंकले आर्थिक तथा बैंकिङ्ग क्षेत्रमा आफ्ना अनुसन्धानात्मक कार्यहरु संचालन गर्नेछ । बैंकको अनुसन्धान सम्बन्धी कार्यको लागि व्यवस्थापन विभागले विषय विज्ञको रूपमा प्राध्यापकहरूको सूची बैंकलाई उपलब्ध गराउनेछ । सो सूची अन्तर्गतका प्राध्यापकहरुलाई आवश्यकताअनुसार बैंकले अनुसन्धानको लागि विषय विज्ञका रूपमा नियुक्त गर्नेछ ।

त्यसैगरी बैंकले गरेका अनुसन्धान सम्बन्धी कार्यमा व्यवस्थापन विभागमा सञ्चालित शैक्षिक कार्यक्रमहरू एमबीए र एमबीएममा अध्ययनरत विद्यार्थीलाई ग्राजुएसन रिसर्च प्रोजेक्ट (जीआरपी) अन्तर्गत शोधपत्र लेखनका लागि छात्रवृत्तिस्वरूप न्यूनतम ५ जना विद्यार्थीहरूलाई प्रतिविद्यार्थी तीस हजार रुपैयाा नगद प्रदान गरिनेछ । बैंकले व्यवस्थापन विभागमा एमबीए इन कर्पोरेट लिडरसिपमा अध्ययन गरेका १ जना छात्र र १ जना छात्रा गरी दुई जना सर्वोत्कृष्ट विद्यार्थीहरूलाई प्रत्येक शैक्षिक सत्रमा नगद र मेडल सहित 'नेपाल बैंक कर्पोरेट लिडरसिप अवार्ड' समेत प्रदान गर्नेछ ।


प्रकाशित : श्रावण २५, २०७९ १९:३९
पूरा पढ्नुहोस्
प्रतिक्रिया
पठाउनुहोस्
x
×