महालक्ष्मी विकास बैंकको डबल बोनान्जा मुद्दती खाता, ७० महिनामै रकम दोब्बर हुने
काठमाडौँ — महालक्ष्मी विकास बैंकले डबल बोनान्जा मुद्दती खाता सार्वजनिक गरेको छ । न्यूनतम मौज्दात १० हजार रुपैयाँमै खोल्न सकिने डबल बोनान्जा मुद्दती खातामा राखिने पैसा ७० महिनामै दोब्बर हुने बैंकले जनाएको छ । रकम दोब्बर हुने यो अवधि अरुकोभन्दा छिटो रहेको बैंकले जनाएको छ ।
देशभर रहेका १०३ शाखामध्ये जुनसुकैबाट पनि यो खाता खोल्न सकिने बैंकले जनाएको छ । प्रदेश नम्बर १ मा ५, प्रदेश नम्बर २ मा १५, वाग्मती प्रदेशमा ३७, गण्डकी प्रदेशमा ९, लुम्बिनी प्रदेशमा १८, कर्णाली प्रदेशमा २ र सुदूरपश्चिम प्रदेशमा १७ वटा शाखा सञ्चालनमा छन् । करिब ६ लाखले सेवा लिइरहेको बैंकले जनाएको छ ।